LEXO PA REKLAMA!

SHKARKO APP

App Store
Google Play

Ish-zv.ministri kritikon projektbuxhetin 2023/ Duhet fond më i madh si rezervë, s'ka paketë sociale

2022-11-09 19:36:00, Ekonomi CNA
Ish-zv.ministri kritikon projektbuxhetin 2023/ Duhet fond më i madh si
Ish-zv.ministri i Ekonomisë, Elton Haxhi

Ish-zv.ministri i Ekonomisë, Elton Haxhi, ka kritikuar projektbuxhetin e vitit 2023, teksa ka bërë një analizë të tij.

Haxhi tha në Vizion Plus se ndonëse buxheti parashikon një shtesë në ndihmën ekonomike, nuk i është kushtuar rëndësi paketës sociale dhe asaj të energjisë.

“Nuk është se ka ndonjë vëmendje të veçantë vitin e ardhshëm, konstatohet që mungon edhe paketa sociale. Pra, nuk parashikohet ndonjë paketë e re sociale dhe ndonjë fond i ngjashëm për energjinë.

Paketa sociale dhe subvecionimi i çmimit të energjisë është parashikuar në një masë më të ulët. Janë rreth 60 miliardë më pak. Domethënë që qeveria pret që çmimi i energjisë të bjerë në tregun ndërkombëtar. Nuk është e nevojshme një paketë e re sociale për t’i ardhur në ndihmë shtresave në nevojë. Kemi një shtesë në ndihmën ekonomike, por mungon paketa sociale”, u shpreh ish-zv.ministri.

Më tej, Haxhi deklaroi se duhet të ishte parashikuar një fond më i madh si rezervë për atë që mund të vijë për shkak të luftës në Ukrainë.

“Rritja ekonomike është parashikuar. Inflacioni është një parashikim tjetër i cili pak a shumë është i arsyeshëm. Vitin e ardhshëm pritshmëritë janë të stabiilizohet drejt 3.5% . Në gjykimin tim duhet të ishte parashikuar një fond më i madh si rezervë për atë që mund të vijë për shkak të luftës në Ukrainë”, nënvizoi ai./ B.A. - CNA.al

Lajmet e fundit nga