Sondazhi/ Si i vlerësoni akuzat ndaj ish-kryeministrit Sali Berisha?

2023-10-23 17:45:00, Aktualitet CNA

SPAK, dy ditë më parë arrestoi Jamarbër Malltezin ndërsa caktoi masën me "detyrim paraqitje" për ish kryeministrin Sali Berisha në lidhje me dosjen për privatizimin e ish-kompleksit Partizani.

Ish-kryeministri Sali Berisha akuzohet për korrupsion pasiv të funksionarëve të lartë shtetërorë.

Në kuadër të këtyre zhvillimeve, CNA ka pyetur qytetarët përmes një sondazhi se si i vlerësojnë akuzat ndaj ish kryeministrit Berisha.

Qytetarët mund të japin mendimin e tyre duke zgjedhur një prej mundësive të ofruara që janë: Politike, Të drejta, Nuk e di. Për të dhënë mendimin tuaj mund të votoni në sondazhin e mëposhtëm.

Poll

Kujtojmë se SPAK pretendon se Berisha, në cilësinë e tij si kryeministër, ka favorizuar procedurat e privatizimit të ish-kompleksit "Partizani" dhe përfitues i drejtpërdrejtë ka qenë Malltezi.

Në tokën e ish-kompleksit "Partizani", Malltezi në cilësinë e investitorit nga shoqëria “Homeplan” sh.p.k., ka kryer ndërtime dhe përfitimet llogariten në shumën 672 miliardë lekë ose 5 milionë euro.

Malltezi u arrestua dy ditë më parë në aeroportin e Rinasit.

Sot po mbahet seanca gjyqësore për të e cila është shtyrë për të dytën herë dhe pritet të rinisë sërish në orën 18:00.

Ka patur një sërë reagimesh në lidhje me akuzat për ish kryeministrin Sali Berisha, ku mbështetës të tij e kanë konsideruar këtë si një vendim politik.

Vetë ish kryeministri Sali Berisha e ka quajtur këtë vendim politik të marrë nga kryeministri Edi Rama./ CNA