Emërimet dhe shkarkime nga puna dhe mungesë transparence/ KLSH zbulon skandalet në AKU

2023-10-23 17:23:00, Aktualitet CNA

Emërimet dhe shkarkime nga puna dhe mungesë transparence/ KLSH zbulon

Foto ilustruese

KLSH ka renditur disa shkelje që janë bërë nga Autoriteti Kombëtar i Ushqimit.

Në raport sa i përket pikës për Mjedisin dhe Kontrollin, KLSH ka renditur mangësitë që ka në lidhje me pesë komponentët e menaxhimit financiar dhe kontrollit.

Sipas KLSH është konstatuar se DPAKU nuk ka hartuar një plan të përgjithshëm si një detyrim ligjor për menaxhimin financiar dhe kontrollin.

Një tjetër shkelje e evidentuar janë emërimet dhe largimet në sektorë të ndryshëm të drejtorisë.

Në raportin e siguruar nga CNA, KLSH ka konstatuar se për periudhën prill 2020-2022 nuk ka pasur procedura të miratuara për mënyrën e përzgjedhjes dhe emërimit të punonjësve si dhe nuk është kryer publikimi i njoftimeve për 215 vende të lira pune në faqen zyrtare të institucionit.

Raporti thotë se ka patur mungesë transparence në lidhje me procedurat për përzgjehdjen e kandidatëve për vendet vakante.

Ndërsa më tej sa i përket emërimeve, KLSH raporton se ka disa raste ku formimi i kandidtatit të emëruar nuk ka përshtatej me fushat e e arsiumit që kërkoheshin në kërkesat e posaçme të formularit të përshkrimeve të punës.

Në një rast tjetër emërimi, konstatohet se ka patur mungesë dokumentacioni në dosjen e punonjësve.

Në rastet e largimit nga puna të punonjësve janë evidentuar raste ku kontatohet mungesa e relacionit të komisionit të shqyrtimit të shkeljeve disiplinore dhe mosgarantimi i të drejtës së punëmarrësit për tu dëgjuar, mbrojtur, parashtruar fakte dhe prova brenda një afati të arsyeshëm të caktuar nga Kodi i Punës.

Gjithashtu është konstatuar mungesa e dorëzimit me procesverbal të aktiveve që kanë në ngarkim punonjësit që janë larguar nga puna.

Raporti thekson se gjatë periudhës 2020-2023 janë kryer 223 emërime nga të cilat 7 raste janë në zbatim të vendimeve gjyqësore, 1 rast emërim ekslence ndërsa 215 raste janë emërime të kryera në mungesë të shpalljes së procedurave të konkurimit për pozicione të lira pune./ CNA