web counter
LEXO PA REKLAMA!

SHKARKO APP

App Store
Google Play

E fundit!

x

Media britanike e akuzoi si bashkëpunëtore të bandave/ Blogerja shqiptare: S’jam kriminele, jetoj në studio

2022-11-13 19:30:00, Aktualitet CNA
Media britanike e akuzoi si bashkëpunëtore të bandave/ Blogerja
Blogerja Ion Daci

Media britanike "Sun on Sunday" ka publikuar sot një artikull për blogeren shqiptare, e njohur në “TikTok” si Ion Daci, për të cilën shkruan se po përdoret nga bandat për të nxitur mashtrimin, duke reklamuar pasaporta false.

Për këtë lajm ka reaguar sot vetë blogerja, e cila ka përgënjeshtruar median.

Me anë të një videoje, Ion Daci deklaron se nuk ka lidhje me asnjë bandë kriminale dhe për këtë çështje ka kontaktuar autoritetet britanike.

“Kam qenë live dhe dikush më tha a mund të më reklamosh profilin. Në rregull i thashë. Profili kishte të bënte me karta banke, patenta, pasaporta. Nuk e di nëse në Shqipëri e dini se me pasaportë false nuk vjen dot në Angli. Shkruhet se jam me bandat e trafikimit që s'u lodha duke e lexuar, por ma sollën 48 mijë veta sot. Për falsifikimet, i keni të gjitha me avokatë. Sot kam shkuar te policia e Anglisë, kam raportuar që thonë se merrem me falsifikim pasaportash dhe sjell njerëz nga Shqipëria dhe doja t’ju thoja mos përmendni kur nuk dini asgjë.

Ju që nuk e keni idenë si funksionon në Angli, këtu nëse ti nuk ke letra dhe vjen vëllai yt apo dikush tjetër, nuk kanë shtëpi ku të rrijnë. Duhet të kesh pasaportë ose kartë banke sepse duhet të zësh shtëpi për të jetuar. E publikova për të ndihmuar shqiptarët që nuk kanë as nënë, as baba këtu, as njerëz për t’i ndihmuar dhe janë mes 4 rrugëve se më bëtë kriminele. Si dal unë me fytyrë nëqoftëse merrem me trafikim.

Unë nuk jam spiune dhe nuk kam çfarë spiunoj. Kur s’kam lidhje me diçka, nuk kam frikë se nuk kanë për çfarë të më gjykojnë. Këtyre të gazetave do i nxjerr bojën. Unë jam me pasaportë normale, me patentë britanike, nuk kam marrë asnjëherë lekë nga shtëpia bari, kam punuar me djersën time dhe kam derdhur gjak. Kur bëj nder pa pagesë dhe ju e bëni sikur të jem kriminele, nuk është problemi im. Do i nxjerr bojën të gjithëve. Ku është jeta ime luksozve me "Fiat 500", që po jetoj në një studio?”, thekson Ion Daci./ B.A. – CNA.al





Lajmet e fundit nga