E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Ecuria ekonomike gjatë vitit 2025/ Ibrahimaj: Ka pasur rritje të punësimit dhe pagave

23 Janar 2026, 12:32, Ekonomi CNA

Ecuria ekonomike gjatë vitit 2025/ Ibrahimaj: Ka pasur rritje të

Ministrja e Ekonomisë, Delina Ibrahimaj, ka zhvilluar ditën e sotme një konferencë për mediat lidhur me ecurinë ekonomike për vitin 2025. Ibrahimaj tha se të ardhurat buxhetore kanë ardhur në rritje, konkretisht në vitin 2025 të ardhurat janë rritur 6.3% me shumë se në vitin 2024.

Ndër të tjera shtoi se për 3-mujorin e tretë ka pasur një rritje të shkallës së punësimit, të pjesëmarrjes në forcat e punës, ndërsa papunësia ka mbetur në nivel stabël.

Sipas ministres, pagat në tremujorin e tretë të 2025 janë rritur me 7.3%, ndërsa pensionet me 8.4% në nivel të përgjithshëm. Lidhur me turizmin, Ibrahimaj tha se në vitin 2025 kanë ardhur në Shqipëri mbi 12 milionë turistë të huaj.

“Të ardhurat buxhetore kanë ardhur në rritje. Për 11-mujorin e vitit 2025, të ardhurat janë në nivelin 88 miliardë lekë ose 6.3% më shumë se vitin e kaluar. Ky nivel rritje vjen në një kuadër politik ku nuk ka pasur rritje të barrës fiskale. Pra, rritja ekonomike është e pasyqruar në rritjen e aktivitetit të bizneseve.

Për 3-mujorin e tretë kemi pasur një rritje të shkallës së punësimit, të pjesëmarrjes në forcat e punës, ndërsa papunësia ka mbetur në nivel stabël. Numri i kontribuesve në skemën e kontributeve shoqërore është rritur me 2.95% në krahasim me vitin 2024.

Pagat në tremujorin e tretë të 2025 janë rritur me 7.3%, pensionet me 8.4% në nivel të përgjithshëm. Remitancat kanë vijuar në rritje. Tatimi mbi të Ardhurat Personale po ashtu ka ardhur në rritje.

Investimet për 9-mujorin e parë të 2025, u rritën me 4.2 %. Një normë rritëse e ngjashme reflektohet edhe në investimet e huaja direkte.

Pesha më e madhe e eksportit lidhet me shërbimet, kryesisht me turizmin. Numri i turistëve ka ardhur duke u rritur. Në vitin 2025 ishin mbi 12 milionë turistë të huaj në Shqipëri. Në total eksportet në ekonomi janë rritur me 6.6%”, tha Ibrahimaj ndër të tjera. /CNA