web counter
LEXO PA REKLAMA!

SHKARKO APP

App Store
Google Play

E fundit!

x

Vijojnë reshjet e shiut/ Si paraqitet situata pas përmbytjeve në terrenin e qarkut të Korçës

26 Nëntor 2025, 19:05, Aktualitet CNA

Vijojnë reshjet e shiut/ Si paraqitet situata pas përmbytjeve në

Prefektura e Korçës ka dhënë përditësime lidhur me situatën në bashkitë e qarkut. Sipas informacioneve, reshjet e shiut në këtë qark vijojnë me intensitet të ulët deri mesatar.

Bëhet me dije se në terren vijonb puna për sistemimin dhe normalizimin e akseve të dëmtuara. OSHEE gjithashtu ka njoftuar se në territorin e këtij qarku nuk raportohen problematika dhe se furnizimi me energji elektrike vijon normalisht.

NJOFTIMI I PLOTË

Raport mbi situatën në territor ora 18:30

Reshjet e shiut vijojnë me intervale, intensitet të ulët deri mesatar në territorin e qarkut.

Bashkia Maliq

Gjatë inspektimit në terren, në aksin Lozhan–Mesmal vijon pastrimi i masivit nga shtrati i rrugës, me synim mundësimin e kalueshmërisë për katër fshatrat: Velçan, Selcë, Mesmal dhe Niçë.

Paralelisht, po kryhen punime për grumbullimin e inerteve në urat e lumit Devoll, me qëllim predispozimin e tyre pranë zonës së dëmtuar.

Po punohet gjithashtu ne fshatrat Sovjan, Klocë dhe Vashtëmi.

Pas ndërprerjes së reshjeve, do të ndërhyhet në çarjen e argjinaturës, për stabilizimin e saj.

Bashkia Kolonjë

Vijojnë ndërhyrjet në këto zona:

Fusha e Rehovës (Bllanjë) ndërhyrje për stabilizimin e terrenit.

Ura e fshatit Taç – punimet janë në vijim.

Ura e fshatit Qinam ndërhyrje nga kontraktorët e firmës.

Bashkia Pogradec

Vijon puna intensive në terren.

Po kryhet hartimi i proceseve verbale pranë familjeve të prekura janë evidentuar raste të reja.

Problematika në Lumin e Verdovës dhe të Rremenjit, në tre familje ku mjetet e rënda nuk kanë akses. Po punohet me mini-fadromë 3.5 T të firmës private “REI shpk”, në bashkëpunim me njësitë administrative.

Sipas njoftimeve të deritanishme, akset rrugor në territor janë të kalueshëm.

Në qytet janë evidentuar probleme me prezencë uji në katet e para të pallateve në zonën “1 Maji”.

Është depozituar kërkesë pranë SHGjSH për ekspertizë lidhur me rezervuarin Grunjas.

Është konstatuar masiv shkëmbor me risk potencial në hyrje të qytetit të Pogradecit janë marrë masat për sigurinë e zonës.

Nga inspektimi në terren u konstatua se subjekti “2T” vijon punën intensive për pastrimin e masivit shkëmbor nga shtrati i rrugës në aksin Qafë Plloçë – Qukës, me qëllim mundësimin e kalueshmërisë së sigurt dhe pa problematika.

Bashkia Devoll

Po punohet për çakullimin e segmenteve rrugore në fshatrat Vranisht, Pilur, Bitinckë dhe Tren.

Vijon riparimi i urës së fshatit Çetë.

Nivelet e rezervuarëve paraqiten në kuota normale dhe nuk raportohen problematika.

Bashkia Pustec

Vijon puna për pastrimin e përroit të fshatit Goricë.

Po punohet për sistemimin e rrugës Lajthizë–Pustec.

ARRSH – Drejtoria Qendër–Lindje

Nuk raportohen problematika të reja.

Vijon puna për sistemimin dhe normalizimin e akseve të dëmtuara.

OSHEE

Nuk raportohen problematika.

Furnizimi me energji elektrike vijon normalisht.

Strukturat përgjegjëse vijojnë të monitorojnë situatën dhe të raportojnë në kohë reale për çdo zhvillim të ri në territor. /CNA





Lajmet e fundit nga