web counter
LEXO PA REKLAMA!

SHKARKO APP

App Store
Google Play

VIDEO-Pasaporta europiane në variantin e Fushë-Krujës

20 Dhjetor 2025, 11:29, Aktualitet CNA

VIDEO-Pasaporta europiane në variantin e Fushë-Krujës

Problematikat me infrastrukturën rrugore në Fushë-Krujë vijojnë të mbeten shqetësim për banorët dhe drejtuesit e mjeteve. Ish-kandidati për deputet i PD-së, Aulon Kalaja, ka denoncuar gjendjen e rënduar të disa prej rrugëve të qytetit, duke i cilësuar ato si ndër më të amortizuarat në zonë.


Në një prononcim nga terreni, Kalaja shprehet se ndodhet në një nga rrugët më të dëmtuara të Fushë-Krujës, konkretisht në zonën nga Kodra e Çelëve, ku sipas tij, rruga dikur ka qenë e asfaltuar, por sot është e mbushur me gropa, duke e bërë të vështirë qarkullimin.


Ai thekson se ndonëse rruga që të çon drejt burgut të Fushë-Krujës është shtruar, pjesa tjetër që lidh lagjet e rëndësishme të qytetit ka mbetur pa investime. “Kjo është një nga lagjet kryesore të Fushë-Krujës, por rruga është në gjendje shumë të keqe, plot gropa,” – u shpreh Kalaja.


Sipas tij, kjo problematikë është denoncuar edhe gjatë fushatës elektorale, por ende nuk ka marrë zgjidhje. Ai ndalet edhe te kryqëzimi i burgut të Fushë-Krujës, ku njëra pjesë e rrugës lidhet me qytetin dhe është e rregulluar, ndërsa pjesa tjetër vazhdon të jetë e dëmtuar rëndë.


Denoncimi ngre sërish pikëpyetje mbi standardet e infrastrukturës lokale dhe kontrastin mes premtimeve për “pasaportë europiane” dhe realitetit të përditshëm me rrugë të shkatërruara në Fushë-Krujë./ CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.al)





Lajmet e fundit nga