web counter
LEXO PA REKLAMA!

SHKARKO APP

App Store
Google Play

E fundit!

x

Vendimi për vulën e PD-së/ Sejamini: Në favor të Ramës

13 Qershor 2024, 22:13, Aktualitet CNA
Vendimi për vulën e PD-së/ Sejamini: Në favor të
Analisti Neritan Sejamini

Sipas analisitit Neritan Sejamini ka një tjetër lojë që fshihet pas vendimit të Gjykatës së Apelit për t’i kthyer Sali Berishës vulën e PD.

Sejamini tha se, ky vendim është në favor të kryeministrit Edi Rama.

I ftuar në emisionin “Të Paekspozuarit” Sejamini është shprehur se me këtë që ka bërë Rama kontribuon në fragmentimin e ardhshëm të opozitës në zgjedhjet e 2025.

“Mund të besohet edhe varianti që tre gjyqtarë të mirë dhanë drejtësi, kjo është një altrenativë. E di që është pak e besueshme për disa njerëz, por ka ardhur momenti që të jemi pak optimistë.

Por për mua ka disa elementë politikë. E para, jemi para zgjedhjeve dhe mendoj se personalisht Ramës i intereson një PD me emër dhe me vulë sesa një PD me emër dhe pa vulë, e cila do të detyrohet të hyjë në një koalicion të detyruar, për forcë me PL dhe partitë e tjera.

Gjëja më e keqe që mund t’i ndodhë Ramës nga pikëpamja elektorale është që gjithë opozita të futet në një listë të vetme elektorale dhe nëse PD e Berishës të mos merrte identitetin dhe vulën e vet do të ishte detyruar që kjo dhe Partia e Lirisë të bënin një listë elektorale që do të përmbante koalionin më të madh, më të fortë kundër Ramës.

Mund të mos mjaftonte, por kjo do të ishte alternativa më e fortë përballë tij. Me këtë që ka bërë Rama kontribuon më tepër në fragmentimin e ardhëm të opozitës në zgjedhjet e ardhshme”, u shpreh Sejamini./ CNA





Lajmet e fundit nga