E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Veliaj kërkoi të dëgjohet nga Këshilli Bashkiak/ Gjikondi: Show si gjithmonë, s'e lejon ligji

19 Shtator 2025, 19:10, Aktualitet CNA

Veliaj kërkoi të dëgjohet nga Këshilli Bashkiak/ Gjikondi:

Juristja Brizida Gjikondi në një dalje televizive ka folur për kërkesën e bërë nga Erion Veliaj për t’u dëgjuar nga Këshilli Bashkiak. Kërkesë të cilën Gjikondi e ka quajtur një show dhe ka deklaruar se nuk e lejon ligji.

Juristja ka deklaruar se Veliaj i ka hallet personale me Ramën dhe partinë. Më tej Gjikondi tha se nëse Veliaj do që të dëgjohet mund ta bëjë me anë të një statusi në rrjetet sociale apo me anë të një letre nëpërmjet avokatëve dhe të lexohet në Këshill.

Sa i përket shkarkimit të Veliajt nga detyra e kryebashkiakut, juristja deklaroi se ai duhet të ishte dorëhequr që në momentin që u paraqit në SPAK.

Duke u ndalur te çuarja e çështjes në Strasburg, Gjikondi tha se Veliaj nuk e bën dot pasi nuk ka asgjë në rregull me ligjet shqiptare.

“Veliaj ka bërë show si gjithmonë. Nëse kërkon të shkojë pranë Këshillit Bashkiak nuk e lejon ligji. Lejet jepen vetëm për shkaqe personale, lindje, vdekje, martese dhe nëse do të bëjë një provim. Dimë dhe rastin e Belerit që donte të bënte betimin, dhe nuk mundi. Është për të ardhur keq që ngrihet një lloj tensioni i tij. Veliaj hallet i ka personale me Ramën dhe PS. Nëse Veliaj vërtet do që të dëgjohet fjala e tij, mund të bëjë një status në Facebook, siç ka bërë gjithmonë, ose le t’u çojë letër avokatëve të tij dhe ta lexojnë në këshill. Veliaj që ditën e parë që u paraqit në SPAK duhet të kishte dhënë dorëheqjen. Nuk ka pse të bëjë presion, aty ku mbahej me bukë. Veliaj duhet ta shikojë politikisht këtë çështje. Jemi gjithmonë në kuadrin e një presioni që nuk të lë një shije të mirë. Shkarkimi i tij është një fakt i pakthyeshëm. Në letër thotë që do shkojë në Gjykatën Kushtetuese dhe në Strasburg, dhe nuk e bën dot sepse nuk ka asgjë në rregull me ligjet shqiptare. Nuk mund të mbajë peng gjithë vendimmarrjen dhe Bashkisë së Tiranës. Veliajt i është dhënë një tolerancë e madhe, nuk mund të mbahet më peng bashkia”, tha Gjikondi./CNA