E fundit!

18:12 Aktualitet

Zjarr në unazën jugore të Elbasanit/ Shpërthime gjatë operacionit për shuarjen e flakëve

Një zjarr ka përfshirë pasditen e sotme një sipërfaqe tokë...

U konfliktuan me shoferin e kamionit/ Gjykata merr vendimin për vëllanë e Bledjon Nallbatit

6 Maj 2025, 13:56, Aktualitet CNA

Shkalla e Parë e Gjykatës së Korçës ka vendosur për vëllanë e Bledjon Nallbatit masën e sigurisë "Detyrim për t'u paraqitur në policinë gjyqësore", i akuzuar për "Prishja e qetësisë publike", dhe "Pengimi i qarkullimit të mjeteve të transportit".

Kandidati për deputet i PD-së, Bledjon Nallbati, së bashku me vëllanë e tij, disa ditë më parë, u përfshinë në një konflikt fizik me shoferin e një kamioni.

“Në Gjykatën e Shkallës së Parë e Juridiksionit të Përgjitshëm Korçë, u zhvillua sot në datën 06.05.2025 ora 12.30 seanca me objekt: "Vleftësim arrestimi në flagrancë, caktimin e masës së sigurimit "Detyrim per t'u paraqitur në policinë gjyqësore" ndaj shtetasit A.N i dyshuar për kryerjen e veprave penale "Prishja e qetësisë publike", dhe "Pengimi i qarkullimit të mjeteve të transportit" parashikuar nga nenet 274/1 dhe 293 të Kodit Penal.

Gjykata, në përfundim të gjykimit, vendosi: Pranimin e kërkesës. Vleftësimin si të ligjshëm të arrestimit në flagrancë dhe caktimin e masës së sigurimit "Detyrim per t'u paraqitur në policinë gjyqësore" për këtë shtetas”, njofton gjykata.

Pas mbarimit të seancës ka folur edhe avokati mbrojtës, Nevzat Tarrelli, i cili tha se nga pamjet filmike nuk rezulton pengimi i qarkullimit.

“Sapo ka mbaruar seanca gjyqësore. Gjykata ka pranuar kërkesën e prokurorisë, ka vlerësuar të drejtë dhe të ligjshëm arrestin në flagrancë dhe ka caktuar masën e sigurisë detyrim paraqitje nën dyshimin për veprat penale: Prishje e qetësisë publike dhe pengimit të qarkullimit. Kjo e dyta është vepër penale, por ne kemi kërkuar lirimin e menjëhershëm duke deklaruar të paligjshëm arrestimin në flagrancë dhe refuzimin e kërkesës së prokurorisë për të caktuar masën e sigurimit personal pasi asnjë nga dy veprat penale për të cilat është dhënë kjo masë sot nuk është kryer. Nga pamjet filmike rezulton qartësisht se nuk ekziston pengimi i qarkullimit, i cili vazhdon lirshëm dhe duket edhe në pamjet filmike që gjykata nuk i administron, pra ka vetëm printime të fotove pasi prokuroria nuk ia ka vënë në dispozicion me argumentin se nuk i kemi marrë videot, ndërkohë që përshkruhet në aktet nga këqyrja e pamjeve filmike. Ky ka qenë edhe debati në seancë. Në vlerësimin tonë mungojnë edhe elementët e veprës penale të prishjes së qetësisë publike që është kundërvajtje penale. Ka pasur një akt të motivuar nga OPGJ për shkak se aty ka ndodhur një incident, një konflikt verbal midis dy personave dhe ka ndodhur në unazën e qytetit të Bilishtit, te rrethrotullimi i Mirasit. Në vlerësimin tonë nuk ekziston fakti kriminal i pretenduar si vepër penale”, tha avokati.