web counter
LEXO PA REKLAMA!

SHKARKO APP

App Store
Google Play

E fundit!

x

Tre mashtrimet e Veliajt që u zbuluan brenda 24 orëve

1 Maj 2024, 18:47, Aktualitet CNA
Tre mashtrimet e Veliajt që u zbuluan brenda 24 orëve
Erion Veliaj

Për rreth 24 orë kanë dalë në dritë tre gënjeshtra të Erion Veliajt , zdromsit që drejton Bashkinë e Tiranës.

Përveç asaj të pyllit orbital, gënjeshtër të cilën pak kohë më parë ia nxorri zbuluar raporti i Bankës Botërore, më të fundit kanë dalë në dritë brenda 24 orëve.

Zdromsi që drejton Bashkinë e Tiranës, pasi doli nga SPAK-u, ku qëndroi për 8 orë, 1 orë u la në pritje ndërsa 7 orë u pyet, tha se ishte paraqitur me dëshirë në SPAK dhe kishte dorëzuar dokumente në lidhje me çështjen e inceneratorit të Tiranës.

Ai i quajti kolegë dhe bashkëpunëtorë, prokurorët dhe hetuesit e SPAK-ut, por e vërteta qëndron ndryshe, pasi për 1 orë Veliaj u legenos nga ata që quan kolegë dhe bashkëpunëtorë, pasi kishte mbërritur në ambientet e SPAK-ut, 1 orë para orës zyrtare pasi donte tu shmangej kamerave dhe përballjes me qytetarët të cilën në hyrje të Prokurorisë e quajtën hajdut dhe plehrë.

Pasi u rrëzua kjo gënjeshtër, një tjetër gënjeshtër doli në pah që kishte të bënte me deklaratën e tij se kishte shkuar në SPAK me dëshirë dhe si bashkëpunëtor.

Kjo është e pavërtetë pasi ka patur fletëthirrje ndaj Veliajt, ku CNA zbuloi dhe datën që mban fletëthirrja nga prokurori dhe faktin se nëse nuk paraqitej do të shoqërohej në SPAK nga Policia Gjyqësore.

Pas kësaj, gazetarja Klodiana Lala nxorri një tjetër të pavërtetë të thënë nga Veliajt që ka të bëjë me godinën që ai pretendon se i ka dhuruar SPAK për të ushtruar detyrat.

Sipas gazetares, kjo është e pavërtetë pasi godina SPAK-ut i është dhënë nga Ministria e Drejtësisë.

Këto janë vetëm disa nga gënjeshtrat dhe mashtrimet që zdromsi që drejton Tiranën kërkon tua shesë si të vërteta shqiptarëve.

Veliaj ka kaluar një ditë më parë, ndoshta 8 orëshin më të tmerrshëm të jetës së tij, ku ka dhënë llogari para prokurorëve dhe hetuesve të cilët e kanë pyetur për çështjen e inceneratorit të Tiranës.

Inceneratori i Tiranës është një nga aferat më korruptive që ka gllabëruar 130 milionë euro dhe që brenda kësaj afere ka një tjetër aferë, si ajo e dherave që u ka kushtuar 60 milionë euro, qytetarëve shqiptarë.

Të mos përmendim këtu dhe milionat e eurove që janë përfituar përmes tenderëve dhe kompanisë 5D, në të cilën është përfshirë i gjithë zinxhiri komandues i Bashkisë Tiranë./ CNA





Lajmet e fundit nga