E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

“Tmerr”/ Regjisori Hervin Çuli: 4 aktorë dhe një tenor në "Big Brother VIP", nuk e zhbëjmë dot

27 Dhjetor 2022, 11:28, Aktualitet CNA

“Tmerr”/ Regjisori Hervin Çuli: 4 aktorë dhe një

Regjisori dhe aktori Hervin Çuli

Regjisori dhe aktori Hervin Çuli ka komentuar realityshow-n "Big Brother VIP" si dhe personazhet që janë bërë pjesë në këtë edicion të dytë.

Përmes një reagimi regjisori është shprehur se ndien një dhimbje të madhe ku sheh që një artist, tenor si Amarldo Kllogjeri të frustrohet nga padituria e një gazetari që jep leksione audience bashkëkohore maestros.

Ndër të tjera, aktori thotë se shpesh fisnikëria e humb betejën përballë injorancës dhe se "Big Brother" tashmë është kthyer në një realitet që nuk e zhbëjmë dot.

“‘Tmerr’!!! E kapa veten duke pare 'Big Brother'! Ndofta fjala 'tmerr' është paragjykimi im për formate të këtij lloji!

Ndofta koha imponon atë që ne shpesh e quajmë jashtë shijeve tona, larg ambicieve të artit të vërtetë, artit që mendoj unë dhe ca të tjerë, kuptohet!

Ndofta gabojmë!... Sot në fakt nuk i jap dot përgjigje konstatimit tim po ta shtroja si pyetje!

Nga miq dëgjova se aty brenda janë katër aktorë (jo pa emër dhe pa karrierë); është dhe Armando Kllogjeri, super artist, super tenor!

Ende pyes veten (vazhdon paragjykimi): pse është futur aty? Ai thotë për të promovuar Operan, jetën e tij!

E bëri dhe Katia Riccarelli në fund karrierës saj, me inteligjencën e organizatorëve për t’i dhënë një ekuilibër kulturor formatit.Shumë mirë nëse ky ka qenë qëllimi i organizatorëve në Shqipëri.

Por kur e pashë tenorin e madh të frustrohej nga një i paditur (fjala më e butë që gjeta), që thonë që është gazetar, qe i jepte leksione audience bashkëkohore maestros, ndërkohë që luante me çakmakun e trurit plloq që vetëm llap-llap por nuk dëgjon, pata dhembje për artistin e madh, që i përulur përballë kohës dhe lojës aty brenda, nuk ka mundësi që një të padituri të mjerë pa edukatë (përsëri fjala më e butë), t’i kthejë përgjigjen që meriton.

Shpesh fisnikëria e humb betejën përballë injorancës!Ndaj nëse je futur aty, jepi Armando! Nejse, si kanë ardhur kohët, 'Big Brother' nuk e zhbëjmë dot, është realitet!

Kemi mundësi, si ndjekës, të luftojmë për ta emancipuar! E ndjekin fëmijët tanë! S'ja vlen te thuash me audiencën dhe fuqinë popullore qe ka: 'Big Brother' s'më përket!

Kështu thosha dhe unë, Armando Kllogjeri ma ktheu mendjen!

Duhet të përshtatemi me kohën, dhe kudo qoftë të luftojmë për çdo dekik edukimi, në të kundërt, do jemi ca vëzhgues që dilemën e madhe të ndryshimit do e shohin thjeshtë si një vetëvrasje!”, ka thënë regjisori në reagimin e tij./ CNA.al