web counter
LEXO PA REKLAMA!

SHKARKO APP

App Store
Google Play

E fundit!

x

Të burgosurit, "letër dashurie" Lul Bashës dhe grupeve parlamentare

6 Mars 2024, 16:16, Aktualitet CNA

Të burgosurit, "letër dashurie" Lul Bashës dhe grupeve

330 të burgosur të burgut të Rrogozhinës i kanë dërguar një "letër dashurie" kreut të Partisë së "Vulës", Lul Bashës, që të bëjë të gjitha përpjekjet që të votohet Amnistia Penale, e cila kërkon 84 vota. 

Luli mesa duhet ka vëmendjen e të burgosurve, të cilët duke besuar te ndjenjat apo dashuria e "ekselentit" dhe te përkushtimi i këtij të fundit për të zgjidhur hallet e popullit, i kanë bërë një letër. 

Për të burgosurit Luli është "shpresa e fundit", pasi dihet nga të gjithë që nuk e ka problem të bashkëpunojë me Ramën dhe t'u "zgjidhë" hallin të burgosurve.

Skemat, Basha i ka pjesë të karrierës së tij dhe ndoshta këtë herë "lëviz të gjithë gurët" për të bashkëpunuar me Ramën për të zgjidhur këtë shqetësim.

Letra paralelisht u është dërguar edhe grupeve parlamentare, medias dhe avokatit të Popullit me thirrjen që të votohet sa më shpejt Amnistia Penale. 

Pjesë nga letra: 

Jemi 330 persona të dënuar nga Gjykata me vendim të formës së prerë dhe vuajmë dënimin në këtë institucion dhe vetëm 1 person rezulton i dënuar në këtë institucion nga GJKKO-ja për korrupsion, ky person lirohet në datën 4 prill 2024. Personat që dënohen nga GJKKO nuk arrijnë të vijnë nëpër institucionet e vuajtjes së dënimit, sepse për këto persona gjykata jep masa dënimi alternativ. 

Ftojmë dhe u bëjmë me thirrje të investigoni sepse nga ky burg në 2 vitet e fundit janë liruar nga gjykata vetëm 2 persona dhe këta për korrupsion, një mjek dhe një polic kufiri. Ndërsa ne pjesa vulnerabël, populli i thjeshtë që jemi në masën 99% ndihemi të diskriminuar nga gjykata sepse në dy vitet e fundit, asnjë i dënuar nuk ka përfituar nga dënimet alternative. 

Arsyeja e kësaj letre të hapur është Ngërçi i Amnistisë Penale, e cila na është premtuar prej 2 vitesh nga të gjitha forcat politike, neve dhe familjeve tona dhe mendojmë që po na mohohet padrejtësisht për interesa politike. Ju lutem të uleni dhe të gjeni gjuhën e përbashkët dhe të votoni këtë akt humanizmi, i cili mungon prej 4 vitesh./CNA 





Lajmet e fundit nga