web counter
LEXO PA REKLAMA!

SHKARKO APP

App Store
Google Play

“Silvio Gonzato, ambasadori i Ramës”/ Berisha: Të vërtetat nuk mund t’i fsheh, do të vazhdoj t’i denoncoj

11 Maj 2026, 14:36, Aktualitet CNA

“Silvio Gonzato, ambasadori i Ramës”/ Berisha: Të

Kreu i Partisë Demokratike, Sali Berisha, ka reaguar për deklaratat ndaj ambasadorit të BE-së në Shqipëri, Silvio Gonzato, ku është shprehur se ky i fundit është ambasador i Ramës.

Berisha tha se nuk mund të fshehë të vërtetat dhe se do të vazhdojë të denoncojë veprimet e tyre.

“Unë edhe njëherë u deklaroj shqiptarëve se në mënyrë absolute çdo gjë që kam thënë, e kam pasur dhe e kam të bazuar në të paktën dy ose më shumë burime.

Unë kam respektin më të madh dhe simpatinë më të madhe për Komisionin Europian, për ambasadorët, për përfaqësuesit e vendeve anëtare.

Por në mënyrë absolute nuk ka dhe nuk mund të ketë gjë në botë që më pengon mua të denoncoj atë që unë e konsideroj të papajtueshme, të drejtë. Dhe nuk kam ndërmend tani të ndalem në zinxhirin e komenteve dhe të jap shembuj.

Nuk kam asnjë dëshirë të polemizoj sepse thashë se kam respektin më të madh si për Komisionin Europian, për Parlamentin Europian, për përfaqësuesit e vendeve anëtare, por nuk mund të pajtohem kurrë me akte të papranueshme.

Ndaj dhe i kam denoncuar jo sot, por siç e dini ju, vite e vite më parë, vite në vazhdim, dhe do t'i denoncoj ato. Të vërtetat unë nuk mund t’i fsheh. Nuk do të isha ky që jam. Ndaj dhe kjo është përgjigjja ime”, tha Berisha./ CNA





Lajmet e fundit nga