web counter
LEXO PA REKLAMA!

SHKARKO APP

App Store
Google Play

Në kërkim pronari i armëve të gjetura në Fushë-Krujë/ I lidhur me autorët e atentatit në Rinas

14 Nëntor 2025, 09:55, Kronika CNA

Në kërkim pronari i armëve të gjetura në

Policia ka dalë me reagim zyrtar lidhur me arsenalin e armëve të gjetura në Nikël të Fushë-Krujës. Sipas informacioneve, është shpallur në kërkim 48-vjeçari me iniciale Y.Z., pronari i banesës ku u gjet municioni luftarak.

Ky person po hetohet për lidhje me autorët e atentatit të ndodhur dy ditë më parë në rrethrrotullimin e Rinasit.

Nga banesa e tij dyshohet se ka dalë dhe makina e përdorur nga personat që ekzekutuan Gilmando Danin, krahun e djathtë të Emiljano Shullazit, dhe plagosën rëndë Muçi Shaljanin.

Njoftimi i policisë: 

Tiranë/Zhvillohet operacioni policor i koduar “Tracking”, nga specialistët e Sektorit të Krimeve të Rënda të DVP Tiranë, në bashkëpunim me shërbimet e Komisariatit të Policisë Krujë.

Operacioni, ende në vijim në rrethin Krujë, në kuadër të punës intensive hetimore dhe operacionale, me objektiv zbardhjen e autorësisë dhe rrethanave të ngjarjes së datës 12.11.2025, te rrethrrotullimi i Rinasit.

Zbulohet një banesë në fshatin Zall, Fushë Krujë, ku mbahej arsenal armësh shpërthyese, armësh zjarri dhe municioni.

Gjatë kontrolleve, u gjetën në këtë banesë:
-3 kallëpë tritol;
-12 granata dore sulmuese;
-sasi lëndësh plasëse gati për shpërthim, të montuara me kapsolla detonatore, fitil zjarrpërcjellës dhe celularë(mina);
-3 ndezës granatash, kapsolla detonatore dhe 5 celularë;
-4 armë zjarri (2 automatikë dhe 2 pushkë), 8 krehra dhe pjesë armësh;
-6000 fishekë të kalibrave të ndryshëm;
-2 kg e 25 gramë Cannabis.

Në vijim të veprimeve procedurale për rastin, u shpall në kërkim pronari i banesës, shtetasi Y. Z., 48 vjeç.

Punohet intensivisht për kapjen e tij, si dhe po hetohet me qëllim zbardhjen e lidhjes së mundshme që mund të ketë 48-vjeçari, me ngjarjen e ndodhur te rrethrrotulli i Rinasit.

Operacioni policor i koduar “Tracking”, vijon.

Materialet procedurale iu referuan Prokurorisë së Tiranës, për veprime të mëtejshme. /CNA





Lajmet e fundit nga