web counter
LEXO PA REKLAMA!

SHKARKO APP

App Store
Google Play

E fundit!

x

Sëmundja e murtajës tek të imtat/ Preçi: Shkodra në karantinë, kontrolle në rrugë dhe tregje

7 Qershor 2025, 13:15, Aktualitet CNA

Sëmundja e murtajës tek të imtat/ Preçi: Shkodra në

Në Shkodër kanë nisur kontrollet në terren dhe tregje nga grupet e veterinarisë në bashkëpunim me policinë e shtetit pas rastit të parë të konfirmuar në Postribë të murtajës së ruminantëve të vegjël në një fermë me 18 krerë dhi.

Shefi i shërbimit veterinar në rajonin e Shkodrës Mark Preçi shprehet se i gjithë qarku Shkodër është në karantinë sa i përket bagëtive të imëta, dhi dhe dele duke mos lejuar lëvizjen dhe tregtimin e tyre ndërsa janë ngritur 6 grupe kontrolli në zonën e infektuar.

“Tashmë zyrtarisht qarku Shkodër është konfirmuar pozitiv me sëmundjen e murtajës së ruminantëve të vegjël, një sëmundje që nuk prek njerëzit por shkakton dëme të mëdha në rritjen e kafshëve të imëta. Pas konfirmimit të këtij rasti Qarku Shkodër është futur në karantinë dhe është përcaktuar zona 3 kilometër që është zona e infektuar dhe një zonë 10 kilometër që është zonë e mbikqyrjes. Në zonën prej 3 kilometër janë 3 grupe kontrolli ku bëhet kontrolli i përditshëm i të gjitha fermave ku kontrollohet gjendja shëndetësore e kafshëve, numri i krerëve dhe gjitha problematikat që kanë fermat”, tha Preçi.

 

Në rast të evidentimit të lëvijes apo tregtimit të bagëtive të imëta grupet e kontrollit do të bëjnë bllokimin e tyre ndërsa fermerët janë të ftuar për të bashkëpunuar me shërbimin veterinar.

 

“Një nga masat që garanton që kjo sëmundje të ketë dëme sa më të vogla është edhe eleminimi i lëvizjes së kafshëve. Për këtë qëllim në akset kryesore në bashkëpunim edhe me forcat e rendit janë caktuar grupe veterinerësh që bëjnë kontrollin e lëvizjes së kafshëve të imëta kryesisht. Bëhet fjalë edhe për bllokimin e tregtisë së kafshëve të imëta në tregje. Fermerët janë të lutur që të informojnë shërbimin veterinar dhe ne jemi të gatshëm që t’i ndihmojmë që dëmi të jetë sa më i vogël”, u shpreh Preçi.

 

Deri më tani nuk ka raste të tjera të murtajës tek bagëtitë e imëta në Shkodër shprehet shefi i shërbimit veterinar…

 

“Kur kemi dyshime për sëmundje ne kryejmë kampionime të kafshëve dhe dërgimin e tyre në laboratorin e referencës por nga data 4 qershor nuk kemi asnjë rast tjetër të dyshuar. Zakonisht kur në një fermë konfirmohet një rast pozitiv eleminohen të gjitha krerët e asaj ferme si në rastin konkret në Postribë ku u eleminuan 18 krerë dhi”, tha shefi i Shërbimit Veterinar, Preçi.

 

 

Sipas shërbimit veterinar nuk ka zonë të tjera në qarkun Shkodër të prekur nga murtaja tek të imtat ndërsa sipas tyre kjo sëmundje që u shfaq nuk është kërcënuese për jetën e njerëzve. Masat e ndërmarra janë vetëm për dhitë dhe delet ndërsa bagëtitë e tjera lejohen që të tregtohen apo të lëvizin nga ana e fermerëve./ CNA





Lajmet e fundit nga