web counter
LEXO PA REKLAMA!

SHKARKO APP

E fundit!

x

Rrezikoi monumentet kulturore dhe arkeologjike/ Shuhet zjarri në Finiq

9 Gusht 2024, 08:44, Aktualitet CNA

Rrezikoi monumentet kulturore dhe arkeologjike/ Shuhet zjarri në Finiq

Ditën e djeshme u përfshi nga flakët Parku Arkeologjik i Finiqit, duke rrezikuar jo vetëm monumentet kulturore dhe arkeologjike, por edhe banesat.

Fatmirësisht, gjatë natës është bërë e mundur shuarja e flakëve.

Sipas Ministrisë së Mbrojtjes, janë ruajtur pasuritë kulturore, monumentet, bazilikat apo objektet e ndryshme në Parkun Arkeologjik të Finiqit. Gjithashtu është shmangur djegia e banesave.

Strukturat vendore po vijojnë monitorimin e situatës, me qëllim shmangien e çdo mundësie riaktivizimi të vatrave.

“Pas një pune të pandërprerë edhe gjatë natës nga forcat operacionale nga bashkitë Finiq, Delvinë, Himarë, Sarandë, Konispol e Dropull, mbështetur nga 75 efektivë të Forcave të Armatosura dhe helikopteri Cougar është bërë e mundur shuarja e zjarreve në Finiq dhe Delvinë.

Por puna po vijon nga strukturat vendore, për monitorimin e situatës, me qëllim shmangien e çdo mundësie riaktivizimi të vatrave.

Ndërhyrja e shpejtë e forcave, në temperatura të larta dhe terren të vështirë, një ditë më parë shmangu dëmet e pasurisë kulturore, monumenteve, bazilikave apo objekteve të ndryshme në Parkun Arkeologjik të Finiqit. Forcat e Armatosura, nën koordinimin e Agjencisë së Mbrojtjes Civile vijojnë të jenë në gatishmëri për të ndërhyrë në çdo rast që nevojitet në ndihmë të komunitetit”, njofton Ministria e Mbrojtjes./ CNA





Lajmet e fundit nga