web counter
LEXO PA REKLAMA!

SHKARKO APP

App Store
Google Play

E fundit!

x

Reagon Belind Këlliçi: Vendimi i Sadushit në shërbim të rilindasve

4 Maj 2026, 22:08, Aktualitet CNA

Reagon Belind Këlliçi: Vendimi i Sadushit në shërbim

Deputeti i PD-së Belind Këlliçi ka komentuar vendimin e Kolegjeve të Bashkuara të Gjykatës së Lartë për vendimin e ndërmjetëm të Sokol Sadushit.

Sipas Këlliçit ky është një vendim që i shërben rilindasve, që sjell lehtësim për të korruptuarit e qeverisë që janë në qeli apo drejt asaj rruge.

Këlliçi thotë se, ky vendim ua bën më të vështirë prokurorëve dhe gjyqtarëve të ndëshkojnë ata që abuzojnë me taksat e qytetarëve dhe më të lehtë atyre që vjedhin.

“Vendimi i Sadushit në shërbim të rilindasve!

Vendimi i shpallur sot nga Kryetari i Gjykatës së Lartë, ashtu siç e kemi paralajmëruar, sjell lehtësim për të korruptuarit e qeverisë, që janë në qeli ose drejt asaj rruge.

Ky vendim qartazi ua bën më të vështirë prokurorëve dhe gjyqtarëve të ndëshkojnë ata që abuzojnë me taksat e qytetarëve dhe më të lehtë atyre që vjedhin.

I detyron të maten mirë, ta gjykojnë si mundësinë e fundit, atë të arrestit.

Edhe kur vepra është e rëndë, prokuroria dhe gjykata duhet të marrin parasysh karakterin, shkollimin, rrethanat e të akuzuarit.

Korrupsioni është vepër e rëndë, por Sadushi thotë të mos shkojë në burg i korruptuari nëse është djalë i mirë.

Pra krijohen kritere e premisa të reja për vendim, në favor të Veliaj, Balluku & Co.

Shqipëria sot vuan nga korrupsioni masiv, jo nga teprimi me ndëshkim. Vuan nga imuniteti dhe lehtësitë e ministrave e zyrtarëve, jo nga penalizimi.

Ky vendim i Kolegjeve të Bashkuara sot për fat të keq nuk i shërben vendit, por disa njerëzve me pushtet. Një arsye më shumë të bashkohemi me 8 maj kundër korrupsionit e padrejtësive”, shkruan Këlliçi./ CNA





Lajmet e fundit nga