web counter
LEXO PA REKLAMA!

SHKARKO APP

App Store
Google Play

E fundit!

x

Rama për dosjen “Xibraka”: Çingia në SPAK për kallëzim të rremë

16 Maj 2024, 22:04, Aktualitet CNA
Rama për dosjen “Xibraka”: Çingia në SPAK për
Kryeministri Edi Rama

Kryeministri Edi Rama ka folur për akuzat e kreut të grupit të PD-së, Gazment Bardhit në lidhje me dosjen “Xibraka”, ku sipas denoncimit nga Bardhi vëllai i kryeministrit është i përfshirë në trafikun e kokainës.

Në një intervistë për Opinion me gazetarin Blendi Fevziu, Rama tha se është në dorën e drejtësisë që duhet të vërtetojë nëse i vëllai ka apo jo lidhje me këtë çështje.

Ai shton faktin se çingia (Bardhi) është kallëzuar në SPAK se ka bërë kallëzim të rremë.

Pjesë nga intervista

Fevziu: Ju keni deklaruat për çështjen e Gazment Bardhit dhe akuzën që ai bëri ndaj vëllait tuaj që nuk u mor parasysh, ndërkohë Bardhi ka deklaruar dy ditë më parë që  SPAK ka rihapur hetimet për këtë dosje?

Rama: Rihapja e hetimeve ishte lajmi më i mirë që mund të merrja. Tanii, ka dhe një detaj të vogël që duhet të konfirmohet kallëzimi shume e rëndësishme dhe pastaj të rikonformohet kallëzimi.

Fevziu: Ç’domethënë? Po ju nuk merreni me çështjet e drejtësisë.

Rama: Jo, jo ka një detaj të vogël se duhet të konfirmohet kallëzimi. Ndërkohë ky zotnia, çingia është i kallëzuar për kallëzim të rremë. Janë dy aty në SPAK, është kjo është dhe kallëzimi për të për kallëzim të rremë. Unë jam i lumtur që gjeja tani është futur në rrugën e drejtësisë, e SPAK. SPAK të na thotë o unë kam një trafikant kokaine në familje, ose kjo goja e madhe B-së së vogël i duhet vënë proteza nga drejtësia. Një nga të dyja, nuk mund të ketë dhe kështu dhe ashtu. O njëri, o tjetri duhet të përgjigjet para drejtësisë./ CNA





Lajmet e fundit nga