web counter
LEXO PA REKLAMA!

SHKARKO APP

App Store
Google Play

E fundit!

x

“Qeveria asnjëherë nuk e ka pasur prioritet arsimin”/ Kaptelli: Pastruesja paguhet më shumë se mësuesi

7 Dhjetor 2023, 19:56, Aktualitet CNA
“Qeveria asnjëherë nuk e ka pasur prioritet arsimin”/
Kreu i federatës sindikale të arsimit Nevruz Kaptelli

Kreu i federatës sindikale të arsimit Nevruz Kaptelli thotë se një mësues paguhet më pak se pastruesja e ministrisë.

Teksa foli për raportin e PISA për Shqipërinë ku u raportua për rënie të nivelit mësimor në shkolla, ai tha se do të jetë më keq vitin e ardhshëm në rast se pagat e mësuesve nuk rriten.

Kaptell thotë se qeveria asnjëherë nuk e ka pasur prioritet arsimin.

“Në rast se paga e mësuesve nuk do të motivojë maturantët që të shkojnë në degët e mësuesisë,  ne pas disa vitesh nuk do të kemi më mësues. Ata që kanë mbaruar shkollën me nota 5, se sipas pagës që kanë mësuesit, për çfarë duhet të shkojmë atje. Ka një mesatare për mësuesit, por këto tani janë fakultative. Mesatarja duhet të jetë mbi 8. Si mund të japë mësim dikush që vjen nga arsimi i mesëm me nota të ulëta. Qeveria asnjëherë nuk e ka pasur prioritet arsimin. Janë larguar shumë arsimtarë.

Nëse pagat e mësuesve nuk dyfishohen menjëherë, jo në korrik, por në fillim të vitit. Nëse nuk vlerësohet puna e mësuesve, atyre ju hoq shpërblimi që merrnin prej 10 mijë lekësh në fund të vitit, ata kanë mbetur me një pagë më të ulët se pastruesja e ministrisë, me një pagë më të ulët se shoferët e administratave, ndonjëherë edhe të ujësjellësve, atëherë, ku është e ardhmja?”, tha Nevruz Kaptelli./ CNA





Lajmet e fundit nga