web counter
LEXO PA REKLAMA!

SHKARKO APP

App Store
Google Play

E fundit!

x

Prokurorë dhe gjyqtarë shesin dosjet/ Pse nuk bëhen publikë emrat që i di kryeministri?

17 Shtator 2022, 12:08, Aktualitet CNA

Prokurorë dhe gjyqtarë shesin dosjet/ Pse nuk bëhen publikë

Kryeministri Edi Rama gjatë një bashkëbisedimi onlime me qytetarë dhe gazetarë, ka dhënë alarmin se ndërtuesit kanë blerë dhe po blejnë gjyqtarë dhe prokurorë.

I pyetur se si mund të futet në burg një qytetar që ndërton oborrin e shtëpisë së tij dhe lihen të lirë ata që ndërtojnë kulla pa leje, Rama ka thënë kjo ndodh se drejtësia është e korruptuar.

“Është e tmerrshme. Por pse ndodh kjo? Sepse këta më të pasurit me këtë drejtësi i zgjidhin punët. Ky është problemi. Nuk jam unë që nuk lejoj drejtësinë të merret me ta, por është drejtësia që nuk na lejon ne që t’i bëjë gjërat deri në fund. Në fund fjalën e ka drejtësia. Nëse në këtë vend Gjykata do bënin sa Policia e Shtetit, ky vend do ishte shumë herë më i përparuar se sa është në raport me aty ku e nisëm. Sa janë rastet që policia i çon fajtorët në Gjykatë dhe sa janë raste që fajtorë marrin bekimin e Gjykatës dhe nuk shkojnë aty ku e kanë vendin.

Tek drejtësia e kanë kollaj. Keni dëgjuar shumë përralla për inceneratorët. Gënjeshtra bën xhiron e botës ndërkohë që e vërteta s’ka ngritur pantallonat, thotë populli.

Drejtësia ka punën e vet. Një vendim qeverie nuk amniston dot askënd. Një vendim qeverie nuk heq dot nga duart e drejtësisë asnjë. Nëse ti tek sheshi “Skënderbej” ose në qendër të Tiranës do ndërtosh 1 metër katror pa leje që pastaj do e paguash 5 mijë euro, nga mbrapa do kesh dhe drejtësinë e më pas do paguash gjobën, ti nuk ke pse ndërton më. Kjo është e vërteta. Po të vërtetën asnjëherë nuk ke për ta marrë vesh nëse nuk e kërkon në këtë llum", ka thënë Rama.

Deklaratat për korrupsion në drejtësi Rama i bën në një kohë kur Vettuingu prej 5 vitesh ka nisur pastrimin e sistemit të drejtësisë dhe për më tepër thotë që ka informacion, por nuk flet me emra./CNA.al





Lajmet e fundit nga