web counter
LEXO PA REKLAMA!

SHKARKO APP

App Store
Google Play

E fundit!

x

Policia, si tualet mediatik i qeverisë/ Protestuesit i arrestojnë natën, burrin e ministres e lënë të lirë

8 Maj 2024, 14:39, Aktualitet CNA

Policia, si tualet mediatik i qeverisë/ Protestuesit i arrestojnë

Anëtari i Kryesisë së PD-së, Grigels Muçollari, në një deklaratë për mediat është shprehur se Policia e Shtetit është kthyer në një "tualet" mediatik të qeverisë.

Muçollari thekson se policia ka mbajtur të fshehtë lajmin që bashkëshorti i ministres Delina Ibrahimaj kishte plagosur një person, ndërsa protestuesit i lënë në burg.

“Kthimi i Policisë së Shtetit në tualet mediatik të qeverisë është e pafalshme për komandën e lartë të kësaj organizate dhe turpëron uniformën.

Lajmi se burri i një ministreshe të Ramës goditi një drejtor, vartës të së shoqes, është mbajtur i ngujuar nga policia, me qëllimin e vetëm ruajtjen e imazhit të qeverisë, është një turp i madh. Është më shumë i tillë kur di se Policia apo Prokuroria, për të goditur kundërshtarët polikë apo kokat e turkut që Rama ka vendosur të presë, rrjedh në media materiale nga më skandalozet duke cenuar rëndë privatësinë e individit.

Policia e Tiranës vetëm pas publikimit të lajmit në media ka konfirmuar se burri i ministres së Financave, aktualisht ministre për Sipërmarrjen, Delina Ibrahimi, ka goditur për shkak të detyrës, një vartës të gruas së vet.

Nuk është vetëm policia e përfshirë, por edhe prokuroria e cila e ka pushuar çështjen ndaj burrit të ministres.

Kjo histori e shëmtuar në vetvete, kthehet në akt kriminal kur policia dhe Prokuroria bëhen palë me qeverinë dhe kujdesen për të ruajtur imazhin e saj. Nuk bëjnë punën e tyre, që është mbrojtja e qytetarit, por vendosin se cili qytetar mbrohet e cili jo.

Në këtë rast përfiton ai që ka gruan ministre.

E gjithë kjo maskaradë nxjerr në dritë dy standardet që përdor policia dhe drejtësia me qytetarët e këtij vendi.

Nëse je i qeverisë, edhe pse kryen goditje për shkak të detyrës, policia dhe prokuroria të gjenden në krah. Të mbulojnë krimin.

Nëse je qytetar që proteston ndaj korrupsionit të Erjon Veliajt, siç ndodhi edhe dje, policia dhe prokuroria të përndjekin, të vijnë në mes të natës në shtëpi dhe të arrestojnë.

Policia e tregon zellin e saj si shërbëtore e qeverisë ndaj protestuesve, kurse para kriminelëve zmbrapset dhe ndaj cubave me lidhje qeveritare mbyll gojën.

Këto dy standarde nuk janë europiane dhe thellojnë padrejtësinë në vend. Ndaj padrejtësisë ka vetëm një rrugë: rezistenca.

Të martën, sërish në orën 11:00, do të jemi përballë pronarit faktik të '5D' e inceneratorit të Tiranës, përballë policëve që i shërbejnë qeverisë dhe jo qytetarit”, tha Muçollari./ CNA





Lajmet e fundit nga