web counter
LEXO PA REKLAMA!

SHKARKO APP

App Store
Google Play

Paralajmëron Rama: Për kriminelët që luajnë me flakët ndëshkimi do të jetë maksimal

13 Gusht 2025, 11:42, Aktualitet CNA
Paralajmëron Rama: Për kriminelët që luajnë me
Kryeministri Edi Rama

Kryeministri Edi Rama ka paralajmëruar se për të gjithë ata që ndezin zjarre ndëshkimi do të jetë maksimal.

Nga ana tjetër, Rama bën me dije se po vijon puna pa pushim drejt shuarjes së zjarreve.

Kryeministri u ka bërë thirrje të gjithë banorëve të tregohen të kujdesshëm, të sinjalizojnë çdo vatër zjarri para se të jetë vonë dhe të ndjekin këshillat e autoriteteve.

“Dy ditë e net ekstremisht të vështira, ku forcat zjarrfikëse të bashkive, Emergjencat Civile, Forcat e Armatosura po përballen me zjarre të mëdha në Skënderbegas, Sojnik të Gramshit, Koshtan të Memaliajt, në Hormovë, Kodër e Lekël të Tepelenës, në kufi me Gjirokastrën, Dhivër, Kakodhiq në Finiq, si dhe në Dropull në kufi me Delvinën, ku rreziku dhe flakët kanë qenë të pamëshirshme.

Falë guximit vetëmohues dhe angazhimit total të të gjitha forcave në terren, është arritur fatmirësisht që zjarret të vihen nën kontroll, ndërkohë që vazhdon puna pa pushim drejt shuarjes së tyre dhe gatishmëria maksimale për çdo riaktivizim të mundshëm apo vatra të reja.

Thirrje të gjithë banorëve të tregohen të kujdesshëm, të sinjalizojnë çdo vatër zjarri para se të jetë vonë dhe të ndjekin këshillat e autoriteteve, ndërsa për kriminelët që luajnë me flakët, ndëshkimi do të jetë maksimal”, thekson Rama./ CNA





Lajmet e fundit nga