web counter
LEXO PA REKLAMA!

SHKARKO APP

App Store
Google Play

E fundit!

x

"Paqja fiskale"/ Baçi: Një marrëveshje midis bizneseve të fuqishme, oligarkëve dhe qeverisë

10 Dhjetor 2025, 17:14, Aktualitet CNA

"Paqja fiskale"/ Baçi: Një marrëveshje midis

Deputeti i Partisë Demokratike, Luan Baçi ka folur ditën e sotme lidhur me ligjin për “Paqen fiskale”. Baçi tha se Paqja Fiskale është e njëjtë me Amnistinë Fiskale.

I ftuar në Syri Tv, deputeti u shpreh se një amnisti e pastudiuar dhe e padiskutuar me grupet e interesit, për të cilën sipas tij nuk ka informacion askush se për çfarë bëhet dhe për kë bëhet. Deputeti theksoi se duhet të bëhet publike lista e bizneseve që përfitojnë nga kjo amnisti.  

“Vetë deputetët e mazhorancës po të vësh re nuk kanë informacionin e duhur për të gjithë Paqen Fiskale apo për të gjithë ligjet e tjera. Mjafton se vjen nga qeveria, dhe kaq ju duhet për ta miratuar. Ne duhet të themi që Paqja Fiskale, është falje, është Amnisti Fiskale. Është një amnisti e pastudiuar, e padiskutuar me grupet e interesit, nuk ka informacion askush se për çfarë bëhet dhe për kë bëhet. Ne kemi kërkuar si grup parlamentar i PD-së që paraprakisht të bëjnë publike listën që përfitojnë nga kjo Paqe Fiskale. Na thonë janë të dhëna sensitive po nuk janë aspak. Pra është një Paqe Fiskale e studiuar nga vetë qeveria, për klientët e saj që të përfitojnë vetëm ata dhe jo të tjerë. Kemi kërkuar që sektori i ndërtimit të përjashtohet nuk duhet të jetë në këtë paqe fiskale. Kemi një rënie të kursit të euros në mënyrë drastike që rrjedhimisht duhet të bintë dhe çmimi i banesave. Pra çfarë po bëhet këtu, po bëhet pastrim parash. Në amendamentet që do të paraqesim atje, kemi kërkuar që organet tatimore të kenë detyrimin ligjor për të gjitha bizneset përfshirë dhe ato të ndërtimit që do të përfitojnë nga kjo amnisti, duhet të raportojnë tek institucionet e tjera, si ai i pastrimit të parave. Për të qenë në fokus të kontrollit për aktivitetin që kanë. Këtu bie erë që ka një marrëveshje midis bizneseve të fuqishme, oligarkëve dhe qeverisë”, tha deputeti ndër të tjera.  /CNA





Lajmet e fundit nga