web counter
LEXO PA REKLAMA!

SHKARKO APP

App Store
Google Play

Nis shpërndarja e materialeve zgjedhore në Qarkun e Gjirokastrës

10 Maj 2025, 14:26, Aktualitet CNA

Nis shpërndarja e materialeve zgjedhore në Qarkun e Gjirokastrës

Edhe në Qarkun e Gjirokastrës  ka nisur shpërndarja e materialeve zgjedhore. Në KZAZ nr. 81, që është më e madhja e në rang qarku, ka nisur prej mesditës së sotme shpërndarja e materialeve zgjedhore për njësitë më të largëta. Materialet po transportohen me mjete private të shoqëruara nga uniformat blu. Në listat e afishuara janë në total 111 mijë zgjedhës që do ti drejtohen nesër kutive të votimit.

Kryetari i KZAZ nr. 81 pohon për CNA se që nga mbërritja e kutive dhe deri tek shpërndarja e tyre nuk janë vërejtur problematika.

Nis shpërndarja e materialeve zgjedhore në Qarkun e Gjirokastrës

“Procesi po ecën normalisht, me shpërndarjen e kutive të votimit në të gjitha qëndrat. Në total, janë 65 qendra votimi”, -tha Gjollesha.

Në kufi, interesi i emigtantëve për të votuar ka qenë më i ulët se zgjedhjet e kaluara, por gati 8500 zgjedhës kanë aplikuar për të votuar online. Në zgjedhjet e kaluara pati një pjesëmarrje gati 36% të votuesve. 

Edhe këto zgjedhje shënojnë një rënie të numrit të votuesve, nga 123 mijë në zgjedhjet e kaluara, në 111 mijë në ato të këtij viti. Qarku i Gjirokastrës është tkurrur në gati 46% të popullsisë që prej vitit 2001./CNA

 





Lajmet e fundit nga