E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Ndërprerja e energjisë te QSUT/ Drejtori i Shërbimeve: I vetmi problem, mungesa e ndriçimit

22 Janar 2026, 14:41, Aktualitet CNA

Ndërprerja e energjisë te QSUT/ Drejtori i Shërbimeve: I vetmi

Një ndërprerje e energjisë elektrike është regjistruar mbrëmjen e së hënës, rreth orës 20:20, në Qendrën Spitalore Universitare “Nënë Tereza”, si pasojë e një avarie në linjën e tensionit të lartë 110 kV të nënstacionit që furnizon QSUT-në.

Drejtori i Shërbimeve Mbështetëse në QSUT, Erjon Ngjelo, bëri me dije se menjëherë pas ndërprerjes janë aktivizuar të gjithë gjeneratorët që furnizojnë godinat spitalore dhe nuk ka pasur asnjë problem në funksionimin e shërbimeve jetike.

Sipas tij, edhe gjeneratori i godinës A1 është ndezur, por paneli i kësaj godine ka evidentuar një avari teknike, e cila ka penguar transmetimin normal të energjisë elektrike.

Për këtë arsye, teknikët e gatishmërisë kanë njoftuar Operatorin e Shpërndarjes së Energjisë për të futur në punë linjën e dytë të furnizimit të QSUT-së.

Deklarata

Ditën e hënë, rreth orës 20:20, për shkak të një avarie në linjën e tensionit të lartë 110 kV të Nënstacionit "Traktora", nga e cila furnizohet dhe Qendra Spitalore Universitare "Nënë Tereza", patëm një ndërprerje të energjisë elektrike.

Të gjithë gjeneratorët që furnizojnë godinat spitalore u aktivizuan dhe nuk pati probleme në godina. Edhe gjeneratori i godinës A1 u ndez, por paneli i kësaj godine detektoi një avari. Si pasojë e kësaj avarie, nuk u bë i mundur transmetimi i energjisë në godinë.

Menjëherë, teknikët e gatishmërisë, të cilët po merreshin me riparimin e problemit, njoftuan Operatorin e Shpërndarjes së Energjisë për të futur linjën e dytë e cila furnizon QSUT-në. Edhe kjo linjë erdhi me parametra teknikë jo të duhur.

Përsëri u komunikua me Operatorin e Shpërndarjes për të futur linjën kryesore. Në pak minuta pasi erdhi linja kryesore, teknikët e gatishmërisë rikthyen në gjendje pune të gjithë sistemin. I vetmi problem që kishte në godinën A1 ishte mungesa e ndriçimit. Por duhet theksuar që të gjitha pajisjet jetëshpëtuese që ndodhen në reanimacionin qendror kanë funksionuar, sistemi i tyre i backup-it, dhe në asnjë moment nuk është cënuar siguria e pacientit.