web counter
LEXO PA REKLAMA!

SHKARKO APP

App Store
Google Play

Mori stafetën nga Dumani/ Klodjan Braho: Synojmë hetime cilësore dhe rezultate konkrete nga SPAK

22 Dhjetor 2025, 10:13, Aktualitet CNA


Këtë të hënë u zhvillua ceremonia e kalimit të detyrës së kreut të ri të SPAK-ut Klodjan Braho nga Altin Dumani.

Në fjalën e tij gjatë ceremonisë, Braho shprehu vlerësimet e tij ndaj Dumanit, që e cilësoi si një drejtues të guximshëm, që forcoi besimin publik të Prokurorisë së Posaçme.

Braho theksoi se synimi mbetet në zhvillimet e hetimeve cilësore dhe rezultateve konkrete të SPAK-ut.

“Shpreh falënderimin për KLP-në për vlerësimin që tregoi duke më zgjedhur në këtë detyrë.  Më tepër se simbolikë është angazhim për respektimin e ligjit. Falë mbështetjes së pakursyer të ndërkombëtarëve, SPAK po forcohet. Falënderoj Altin Dumanin për guximin për të forcuar institucionin dhe besimin publik. Synim mbetet forcimi i brendshëm dhe integriteti i prokurorëve në ushtrimin e detyrës. Do synojmë hetime më cilësore dhe rezultate konkrete. Do komunikohet me median dhe publikun bazuar në kornizën ligjore. Puna e SPAK-ut shkon përtej madateve, në respekt të detyrës dhe Kushtetutës”,-tha Braho./CNA  





Lajmet e fundit nga