E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Mbillen fidanët e parë në Pishë Poro/ Mentor Kikia apel: Kontribuoni, dhuroni një pemë

17 Dhjetor 2023, 19:57, Aktualitet CNA

Mbillen fidanët e parë në Pishë Poro/ Mentor Kikia apel:

Momenti gjatë mbjelljes së fidanëve në Pishë Poro

Gazetari Mentor Kikia ka treguar lidhru me nismën më të fundi të ndërmarrë për rimbjelljen e pyllit të Pishë Poros pai zjarri e shkrumboi atë gjatë verës.

Sipas tij është rasti për tu ndjerë kokëulur para shkatërrimit të një parku të madh.

Pas mbjelljes së fidanëve të parë ai u shpreh se ishin aty jo thjeshtë për të mbjellë pemët e para, por edhe për t’iu drejtuar të gjithëve me një apel, së pari strukturave të qeverisë, por edhe çdo kujt tjetër, biznese dhe individë që ndjejnë përgjegjësinë mjedisore, që të kontribojnë me sa të munden.

Ai ka treguar mënsyrën se si mund të kontribuoni me një Fidan që kushton 200 lekë, ose 2,000 lekë të vjetra.

Më poshtë gjeni shkrimin e plotë dhe numrat e kontaktit nëse doni që të kontribuoni:

Rimbjellja e pyllit të Pishë Poros, ia nisëm: Por duhesh edhe ti!

U mbollën fidanët e parë të pishës në bregdetin e Fierit, në kuadër të nismës kombëtarë “Të rimbjellim Pishë-Poron”. Janë të paktën 350 hektarë që konsiderohen të djegur plotësisht, pa mundësi rigjenerimi, nga Pishë-Poro deri në Darzezë.

1.000 fidanët e parë i dhuroi Agron Duka, kryetar i PAA. Në aksionin e parë të mbjelljes u bënë bashkë zyrtarë të Ministrisë së Mjedisit, drejtues dhe punonjës të Agjencisë Kombëtarë te Zonave të Mbrojtura, Ministri i Brendshëm, kryetari Bashkisë Fier dhe punëtorë të kësaj bashkie.

Të kuptohemi, nuk ishte rasti për të bërë foto me një pemë dhe as për të rrahur gjoksin. Është rasti për tu ndjerë kokëulur para shkatërrimit të një parku të madh.

Ishim aty jo thjeshtë për të mbjellë pemët e para, por edhe për t’iu drejtuar të gjithëve me një apel, së pari strukturave të qeverisë, por edhe çdo kujt tjetër, biznese dhe individë që ndjejnë përgjegjësinë mjedisore, që të kontribojnë me sa të munden.

Ishim aty për një apel publik për kontribute vullnetare. Bashkia Fier apo vetë agjencia rajonale e zonave të mbrojtura kanë kapacitete të vogla punëtorësh. Pra duhen edhe njerëz për ti mbjellë.

Me anëtarët e Korpusit të Vullnetarëve do të kthehemi së shpejti në këtë zonë për të vijuar mbjelljet. Ndërsa jemi duke lobuar për të siguarar donacione të tjera në fidanë.

Nuk po përpiqemi aspak të zëvendësojmë punën dhe detyrimin e qeverisë, por të japim kontributin tonë qytetar.

Kushdo që mundet dhe dëshiron të kontribuojë(brenda dhe jashtë vendit) mund të rezervojë fidanët e pishës në fidanishten “SOTA” në Lushnje, me nr tel +355 693203660. Një fidan kushton 200 lekë, ose 2,000 lekë të vjetra, siç jemi mësuar. Nëse nuk mundesh të dhurosh një pemë, mund të ndihmosh duke u regjistruar si vullnetar.

Kontributi mund të konfirmohet këtu në inbox, ose në nr tel +355 692090490.

Nese nuk mundesh ne asnje forme te kontribuosh, ndihmo duke shpernare kete postim!/ CNA