web counter
LEXO PA REKLAMA!

SHKARKO APP

App Store
Google Play

E fundit!

x

Kremtimi i Meshës Solemne në Vatikan/ Papa Leo fton Kryepiskopin Joan në inaugurimin e shërbesës së tij

12 Maj 2025, 20:54, Aktualitet CNA

Kremtimi i Meshës Solemne në Vatikan/ Papa Leo fton Kryepiskopin Joan

Nëpërmjet një komunikimi nga Vatikani, Papa Leo, i sapozgjedhur në krye të Kishës Katolike, i ka dërguar sot një ftesë të posaçme Kryepiskopit Joan, me rastin e kremtimit të Meshës Solemne në Sheshin e Shën Pjetrit, ku do të inaugurohet shërbesa Petrine e Papës.

Në mesazhin e dërguar Fortlumturisë së Tij Joanit, Papa ka vlerësuar rastin për të dërguar përshëndetje të veçanta për Kryepiskopin e Tiranës, Durrësit dhe gjithë Shqipërisë, në misionin e shërbimit denjësisht ndaj Zotit dhe Kishës.

“FORTLUMTURISË SË TIJ, JOANIT

KRYEPISKOPIT TË TIRANËS, DURRËSIT DHE GJITHË SHQIPËRISË

“Hiri dhe paqja qofshin me ju me bollëk në njohjen e Perëndisë dhe të Jezu Krishtit, Zotit tonë” (2 Pjetrit 1:2).

Me ndjenja dashurie vëllazërore, kam nderin të njoftoj Fortlumturinë Tuaj se, pas zgjedhjes sime si Peshkop i Romës dhe Papë i Kishës Katolike, inaugurimi i shërbesës sime Petrine, do të kremtohet me një Meshë Solemne në Sheshin e Shën Pjetrit, më 18 maj 2025. Ju lutem përzemërsisht të më kujtoni në lutjet Tuaja, që me ndihmën e Perëndisë së Gjithëpushtetshëm, të mund t’i shërbej me denjësi Zotit dhe Kishës së Tij, në përmbushje të plotë të thirrjes sime.

Me gëzim të madh e shfrytëzoj këtë rast për të shkëmbyer me Fortlumturinë Tuaj një përqafim paqeje në Krishtin e Ngjallur.

Nga Vatikani, 8 maj 2025

LEO PP. XIV”,-shkruhet në mesazh./CNA

Kremtimi i Meshës Solemne në Vatikan/ Papa Leo fton Kryepiskopin Joan





Lajmet e fundit nga