web counter
LEXO PA REKLAMA!

SHKARKO APP

App Store
Google Play

E fundit!

x

Kompania e inceneratorit të Tiranës gllabëroi miliarda lekë në vitin 2024

27 Janar 2025, 09:09, Aktualitet CNA

Kompania e inceneratorit të Tiranës gllabëroi miliarda lekë

Kompania "Integrated Energy BV SPV", përgjatë vitit 2024, ka marrë pagesa nga Drejtoria e Thesarit në Ministrinë e Financave 1,53 miliardë lekë ose 21 për qind më shumë se plani për këtë projekt.

Sipas tabelave të publikuara nga “Monitor”, në buxhetin e vitit 2024 planifikohej që pagesat për ndërtimin e landfillit të Tiranës të arrinin në 1.27 miliardë lekë, por të dhënat e Open Data Albania tregojnë se janë paguar nga 1 janari-31 dhjetor të 2024 më shumë se 1,53 miliardë lekë ose 2.7 milionë euro më shumë seç ishte planifikuar.

Sipas të dhënave, deri në shtator u paguan 1 miliard lekë, ndërsa vetëm në tre muajt e fundit të vitit 2024 u paguan më shumë se 500 milionë lekë.

Më tej të dhënat e paraqitura në Open Data Albania në ditën e fundit të vitit 2024 Thesari ka çelur 76 milionë lekë ose 767 mijë euro ndaj "Integrated".

Të dhënat mbi faturat e pagesave tregojnë se fondet kanë shkuar për depozitim mbetjesh ndaj Bashkive të Durrësit, Kavajës, Vorës, Kamzës, ndërsa në përshkrimin e faturave të Bashkisë Tiranë është edhe ndërtimi i inceneratorit.

Ndaj administratorit shtet paguhen fatura për ndërtimin e inceneratorit, punimet e të cilit nuk kanë filluar.

Kështu, kompania e inceneratorit vijon të marrë miliarda lekë apo miliona euro nga taksapaguesit shqiptarë për një vepër që nuk ekziston dhe që është kthyer në një mal me plehra.

Afera e inceneratorit të Tiranës po hetohet nga SPA, ku po hetohen zyrtarët e përfshirë dhe kryebashkiaku i Tiranës, Erion Veliaj, që sipas Prokurorisë rezulton se janë kryer 4 vepra penale, korrupsion pasiv, korrupsion aktiv, pastrim parash dhe fshehje pasurie.

Për këtë aferë janë arrestuar me dhjetëra zyrtarë, drejtorë të përfshirë në atë që është quajtur skandali i shekullit apo vjedhja e shekullit./ CNA

Kompania e inceneratorit të Tiranës gllabëroi miliarda lekë

Kompania e inceneratorit të Tiranës gllabëroi miliarda lekë





Lajmet e fundit nga