web counter
LEXO PA REKLAMA!

SHKARKO APP

App Store
Google Play

“Kënga shqiptare, pre e amatorëve”/ Kompozitori, për festivalin në RTSH: Muzikë e shpërfytyruar

24 Dhjetor 2023, 13:28, Aktualitet CNA

“Kënga shqiptare, pre e amatorëve”/ Kompozitori, për

Kompozitori Spartak Tili ka komentuar festivalin e 62-të të këngës në Radio Televizionin publik Shqiptar. 

Ai tha se edhe pse u përpoq që të dallojë aromën e këngës shqiptare ai nuk mundi që ta ndiejë atë askund.

Sipas tij kënga shqiptare u bë pre e amatorëve duke shmangur kompozitorët profesionistë. Ai u shpreh se çdo vit kënga vjen duke u shpërfytyruar nga këngë shqiptare ne një këngë amorfe.

Statusi i plotë:

U mundova te dalloj aromën e këngës shqiptare në festivalin e fundvitit. Me keqardhje ju them se nuk e e ndjeva askund. Ka humbur ne thellësinë e gati tridhjete viteve duke i numëruar një e nga një dhe çdo vit duke u shpërfytyruar nga këngë shqiptare ne një këngë amorfe. Këtë dukuri negative për këngën shqiptare e kam vene ne dukje qe në fillimet e saj kur me maniera gjoja moderne, te kohës, te globalizmit dhe te plot nismave te tjera, kënga shqiptare ju dorëzua dhe u be pre e amatoreve duke shmangur ne mënyre masive kompozitoret profesioniste, si të vjetruara. Përgatitja e festivalit qe behej ne studiot e RTSH, u zhvendos ne studiot private duke i bere ato mbizotëruse. Shpesh here duke bere kritika realiste dhe duke vene pikat mbi ‘i’ i shqetësuar për rrugën pa krye qe po merrte kënga shqiptare, me lanë mënjanë, nuk me thirren në Asnjë Juri, ne Asnjë emision televiziv, duke me harruar me vetëdije dhe duke harruar me qellim NGA organizatoret, që unë punova Gati njëzet vjet ne atë institucion NGA me te rëndësishmit te muzikës shqiptare qe quhet Radio Tirana,si pasues I Abdulla Grimcit, Nikolla Zoraqit, Gjon Simonit si Udhëheqes artistik dhe si kompozitor duke punuar me shpirt dhe me përkushtim për ecurinë e muzikës shqiptare./ CNA





Lajmet e fundit nga