E fundit!

18:44 Aktualitet

Mblidhet të enjten Konferenca e Kryetarëve/ Ja çfarë pritet të vendoset në seancë

Konferenca e Kryetarëve do të zhvillojë të enjten mbledhje...

Kandidatura e ambasadorit të ri amerikan në Shqipëri, David Kostelancik “ngec” në senat

28 Shtator 2024, 08:28, Aktualitet CNA

Kandidatura e ambasadorit të ri amerikan në Shqipëri, David

Nominimi i presidentit Biden David Kostelancik për ambasador në Shqipëri duhet të presë edhe për një kohë të pacaktuar për të marrë miratimin nga senati i SHBA.

Në senatin amerikan, më 24 shtator 2024, Jeanne Shaheen Senatore nga Hampshire paraqiti një mocion mbështetës për ta miratur këtë kandidaturë pa vonesa.

“Për më shumë se 35 vite zoti David J. Kostelancik ka shërbyer si një diplomat karriere i shërbimit të jashtëm dhe është një kandidat me shumë kualitete në të përfaqësuarin e SHBA në vendin aleat si Shqipëria. Ai ka shërbyer më parë në Shqipëri dhe vende të tjera. Është mëse e qartë se kemi një kandidat tejet të kualifikuar për të shërbyer si ambasador në Shqipëri.

Dua të tregoj pse është kritike për të konfirmuar një ambasador në Shqipëri pa voni. Shqipëria është një histori suksesi për politikën e jashtme amerikane.

Në 2016 Shqipëria që pranoi kërkesën tonë për të marrë disidentët iranianë. Në 2021 nuk mendoi dy herë kur pranoi për të strehuar afganët. Cfarë mesazhi I dërgojmë Shqipërisë, një aleati të palëkundur të SHBA-së me faktin që ende prej një viti nuk mund të konfirmojmë ambasadorin? Shqipëria është i vetmi vend anëtar i NATO-s në të cilin nuk kemi nominuar ende ambasadorin.

Mund tu them se sot Kina dhe Rusia kanë ambasadorët e tyre në Shqipëri dhe tani është detyrë e senatit të vendosë. Ju ftoj për konsensus në miratimin e kësaj kandidature pa ndërhyrje dhe pa debat për ambasador i SHBA në Shqipëri. Kostelancik flet shqip dhe është i kualifikuar për këtë post, prandaj propozoj të mos ketë më vonesa për nominimin e tij”, tha Jeanne Shaheen, senatore nga Hampshire.
Por senatori replublikan Mike Lee senator nga Utah kundërshton kandidaturën e Kostelancik

“Si shumë nominime të Biden, zoti David J. Kostelancik ka provuar se nuk mund të përmbush zbatimin e detyrave në mbrojtjes të interesave të SHBA. Performanca e tij në Hungari si i dërguar me punë duhet ta diskualifikojë në pasjen e një mandati diplomatik. Ai u përfshi në politikën e brendëshme hungareze. Sulmoi lirinë e medias dhe u përfshi në aktivizëm social. Dëmtoi marëdhëniet me një aleat të rëndësishëm tonin. Administrata Biden e pati të gjithë mundësinë të na sillte një emër tjetër si të nominuar kur vitin e shkuar kandidatura e Kostelancik u kthye nga senati”, tha Mike Lee senato Utah.
Jeanne Shaheen Senatore nga Hampshire theksoi se vonesat në emërimin e ambasadorëve janë shqetësuese e me pasoja për sigurinë kombëtare. Për mungesë kuorumi mocioni i saj nuk u hodh për votim duke krijuar një tjetër vonesë për DASH në sjelljen e një ambasadori në Shqipëri

Shtëpia e Bardhë e riemëroi David Kostelancik këtë vit, 2024 si ambasador në Shqipëri, duke rifilluar kështu procesin për shqyrtimin e kandidaturës, pasi në përfundim të kalendarit legjislativ të vitit të kaluar, së bashku me dhjetëra emërime të tjera, ajo nuk u fut në rendin e ditës të Senatit për votim. Emërimet ishin bllokuar nga disa senatorë republikanë, një praktikë e zakonshme kjo e betejave politike në Uashington.

Kandidatura kaloi më 16 prill në Komisionin për Marrëdhëniet me Jashtë i Senatit amerikan por ka ngecur në senat.

Zoti Kostelancik është diplomat karriere i Shërbimit të Jashtëm të Shteteve të Bashkuara dhe ka shërbyer në Shqipëri edhe më herët, në periudhën 1992-1994, si përfaqësuesi i parë për çështjet politike dhe ekonomike në ambasadën e porsahapur në Tiranë. Përpara emërimit për ambasador në Shqipëri, ai shërbente si këshilltar për politikën e jashtme i shefit të shtabit të ushtrisë amerikane, gjeneralit Mark Milley. Gjatë karrierës së tij diplomatike 30-vjeçare, zoti Kostelancik ka shërbyer ndër të tjera edhe si drejtor i zyrës për Evropën Jugore dhe Qendrore në Departamentin e Shtetit. Ai ka shërbyer dy herë në ambasadën amerikane në Moskë, në misionet amerikane në OSBE dhe NATO, si dhe në Ankara të Turqisë. Me origjinë nga shteti Illinoi, zoti Kostelancik është diplomuar në Universitetin Northëestern të këtij shteti dhe flet gjuhët rusisht, hungarisht, shqip dhe turqisht.