web counter
LEXO PA REKLAMA!

SHKARKO APP

App Store
Google Play

E fundit!

x

“Himara”/ Vëllai i Fredi Belerit, akuza të rënda ndaj Ramës: Falsifikimet do të dalin në dritë

25 Dhjetor 2023, 10:27, Aktualitet CNA

“Himara”/ Vëllai i Fredi Belerit, akuza të rënda ndaj

Leonardo Beleri, vëllai i kandidatit që fitoi zgjedhjet si kryetar i Bashkisë Himarë, Fredi Beleri, ka hedhur akuza të rënda, duke pretenduar se qeveria Rama nuk dëshiron të humbasë Himarën sepse falsifikimet do të dalin në dritë.


“Qeveria dhe zoti Rama personalisht nuk duan të humbin Bashkinë e Himarës. Sepse do të dalin në dritë shumë falsifikime. Vazhdojnë të bëjnë detyra dhe falsifikime me parcelat. Festa vazhdon”, tha Leonardos Beleri për "ERT", raporton "Protothema".

Ai ka folur edhe për qëndrimin e Gergi Goros në detyrën e tij, i cili edhe pse u raportua se do të largohej, ai mohoi se ka dhënë dorëheqjen. 

“Zoti Goro nuk merr dot frymë nëse nuk merr leje nga zoti Rama”, tha vëllai i Belerit, duke përsëritur sugjerimin e të vëllait që nëse nuk është vetë kryetar bashkie që është zgjedhur, atëherë të marrë postin një i zgjedhur tjetër nga fraksioni i tij.

Ai thotë se Goro do të qëndrojë në detyrën e tij “për aq kohë sa të dojë zoti Rama”.

Sipas tij kryeministri i Shqipërisë preferon të sakrifikojë të ardhmen e popullit të tij dhe se Shqipëria përpara nuk hyn në BE, sesa të humbasë Bashkinë e Himarës, shkruan "Protothema".

Madje ai vlerësoi se veprimet e tij janë për faktin se “falsifikimet janë bërë në nivelin më të lartë dhe fatkeqësisht shumë njerëz duhet të mbrohen nën ombrellën e zotit Rama.”/ CNA





Lajmet e fundit nga