web counter
LEXO PA REKLAMA!

SHKARKO APP

App Store
Google Play

E fundit!

x

Gerond Meçe u rrëmbye nga çunat, por në zyrë e çoi shoferi i tij që doli rastësisht në rrugë

8 Janar 2026, 12:00, Aktualitet Elton Qyno

Gerond Meçe u rrëmbye nga çunat, por në zyrë e

Rrëmbimi i biznesmenit Gerond Meçe, i cili zotëron kompaninë Advanced Business Solutions “ABS”, u krye në mes të Tiranës, në kushte krejt normale dhe pa shumë zhurmë.

Por, njëherësh, pas pengmarrjes në rrethana krejt normale dhe rastësore, Gerond Meçe u gjet rastësisht në rrugë nga një inxhinier i kompanisë së tij, i cili e çoi në zyrën pranë qendrës tregtare “Toptani”.

Një rastësi e çuditshme, por ja që ka ndodhur. Sipas dëshmisë që Gerond Meçe ka dhënë para oficerëve të Byrosë Kombëtare të Hetimit, ai tregon se pasi është rrëmbyer, mbajtur peng në zonën e Gracenit në Elbasan dhe lënë në rrugë pranë rrethrrotullimit të Bradasheshit, është shfaqur rastësisht një makinë e kompanisë së tij, me shofer inxhinierin Jorgis Sollaku.

Në dëshminë e tij ai ka sqaruar:

“…kam zbritur nga makina e pengmarrësve dhe kam dalë në rrugën nacionale, duke u drejtuar drejt rrethrrotullimit të vjetër të Bradasheshit, ku ndodhet karburanti. Rastësisht, duke pritur për makina të rastit apo autobus, ka kaluar një makinë e zyrës sime me shofer inxhinierin Jorgis Sollaku, i cili kishte qenë për punë në Berat…”.

Më tej biznesmeni ka treguar se:

“…Jorgis Sollaku nuk i ka treguar asgjë, por më ka sjellë në Tiranë deri te ‘Toptani’, ku kam shkuar në zyrën time. Aty kam marrë vesh se familja e kishte kuptuar që mund të isha rrëmbyer dhe po prisnin orën 18:00 për të bërë denoncimin, pasi kontaktet ishin shkëputur që nga ora 15:00…”.

Katër personat janë filmuar nga disa kënde të ndryshme nga kamerat e bizneseve aty pranë dhe qartësisht duken pa maska, vetëm me kapele në kokë.

Fytyrat e tyre janë thuajse plotësisht të dallueshme, por çuditërisht skuadra e “çunave” nuk është arritur të identifikohet, as nga informatorët e Policisë së Shtetit, as nga informatorët e Prokurorisë së Posaçme dhe Byrosë Kombëtare të Hetimit.

Pse ka kaq vonesë për identifikimin e katër personave, imazhet e të cilëve janë kapur nga pamjet filmike, dhe kush është njeriu që mbron këtë skuadër prej katër personash që të mos arrestohet?

Aq më tepër që mjeti luksoz “Land Rover” me targa “AC121JJ”, i përdorur për marrjen peng të biznesmenit Gerond Meçe, është identifikuar si pronë e shoqërisë “Merkaj 3” sh.p.k., e administruar nga Endri Merkaj.

Kjo makinë përdorej nga bashkëshortja e tij, e cila është marrë në pyetje në SPAK, duke treguar rrethanat e përdorimit të mjetit dhe në çfarë cilësie kishte rënë ai në duart e katër personave që më pas rrëmbyen Gerond Meçen.

Por, teksa makina është identifikuar dhe dihet se kush e përdorte, çuditërisht ende nuk janë identifikuar katër personat që e përdorën mjetin më 12 gusht 2025 në Tiranë, me të cilin u mor peng Meçe./ Syri.net





Lajmet e fundit nga