web counter
LEXO PA REKLAMA!

SHKARKO APP

App Store
Google Play

E fundit!

x

Fokusi, lufta ndaj krimit/ Proda zgjidhet president i SEPCA-s

14 Dhjetor 2024, 12:15, Aktualitet CNA

Fokusi, lufta ndaj krimit/ Proda zgjidhet president i SEPCA-s

Drejtori i Përgjithshëm i Policisë së Shtetit, Ilir Proda është zgjehdur president i SEPCA-s (Shoqata e Shefave të Policisë të Evropës Juglindore).

Në fjalën e tij, ai u angazhua për forcimin e bashkëpunimit.

“Ne jemi punonjës policie dhe kemi një mision: luftë pa kompromis krimit për të garantuar sigurinë e qytetarëve të vendeve tona. Te Policia e Shtetit Shqiptar do të gjeni angazhim, përkushtim, vendosmëri dhe besueshmëri për të zhvilluar hetime dhe operacione të përbashkëta”, tha Proda.

Gjatë Asamblesë, pjesëmarrësit patën mundësinë të diskutonin mbi situatën aktuale dhe rolin rajonal të Shoqatës në luftën kundër kontrabandimit të qenieve njerëzore dhe trafikimit të emigrantëve, sinergjitë rajonale në luftën kundër krimit kibernetik, forcimin e mëtejshëm të bashkëpunimit operacional rajonal në luftën kundër të gjitha fenomeneve kriminale që prekin vendet e rajonit, rritjen e bashkëpunimit në fushën e trajnimeve, si edhe mbi rëndësinë dhe vlerësimin e rolit të grave në radhët e Policisë.

Fokusi, lufta ndaj krimit/ Proda zgjidhet president i SEPCA-s

Proda përgjatë asamblesë, zhvilloi takime të shumta me homologët e SEPCA-s dhe përfaqësuesit e agjencive ligjzbatuese, të cilët i garantoi për angazhimin dhe vendosmërinë e tij dhe të Policisë së Shtetit për të forcuar bashkëpunimin në interes të sundimit të ligjit.

Asambleja e Përgjithshme e SEPCA-s (Shoqata e Shefave të Policisë të Evropës Juglindore) u mbajt në Beograd./ CNA





Lajmet e fundit nga