web counter
LEXO PA REKLAMA!

SHKARKO APP

App Store
Google Play

E fundit!

x

Festa e Lartësimit të Kryqit/ Fortumturia e Tij, Joani: Një festë për të gjithë të krishterët, në të gjithë shekujt

14 Shtator 2025, 11:51, Aktualitet CNA

Festa e Lartësimit të Kryqit/ Fortumturia e Tij, Joani: Një

Ditën e sotme të gjithë besimtarët ortodoksë festojnë festën e Lartësimit të Kryqit.

Në ditën e kësaj feste, Fortlumturia e Tij, Kryepiskopi i Tiranës, Durrësit dhe gjithë Shqipërisë, Joani ka mbajtur predimin e tij në katedralen “Ngjallja e Krishtit”.

Fortlumturia e Tij dha mesazhe për besimtarët ku tha se kjo festë i kapërcen kufijtë kohorë. Kryqi i Zotit është ai që solli shpëtimin, tha Kryepiskopi Joan.

Më tej, Fortlumturia e Tij tha se jo gjithmonë vuajtjet janë dënim, shpesh vuajtjet i kanë çuar njerëzit drejt meditimit e drejt shërimit.

Zoti, tha Fortlumturia e Tij, shpesh lejon të ndodhin gjëra në jetën tonë për t’u fokusuar te ajo që ka vërtet rëndësi.

 

 

“Festa e sotme është një festë qendrore në Kishën Orthodhokse, është Lartësimi i Kryqit. Festa e sotme ka dy dimensione, dimensionin historik, ne kujtojmë gjetjen e Kryqit të Krishtit. Kur krishterimit iu dha liri nga perandori Kostandin, ai ngarkoi të ëmën e tij Shën Elenën për të gjetur Kryqin e Krishtit në Jerusalem. Çdo gjë që ka lidhje me Zotin, e kapërcen historinë, bëhet për secilin nga ne. Festa e Kryqit është një festë për të gjithë të krishterët në të gjithë shekujt. Sepse Kryqi i Zotit është ai që solli shpëtimin tonë. Njerëzit vuajtjen e shohin si dënim, por jo cdo vuajtje është dënim. Shpesh herë është mjekim, njerëzit nga vuajtje të mëdha janë zhytur në meditim, kanë menduar më thellë mbi jetën e tyre. Zoti lejon që të na ndodhin disa gjëra në jetën tonë për të na shkundur e për t’u fokusuar në atë që është më e rëndësishme e mos të harxhojmë gjithë jetën tonë me gjëra të kota, të cilat një ditë do i lëmë. Kryqi i vërtetë është kur ne kryqëzojmë pasionet tona, çdo mendim të lig e çdo mendim lakmues, gjithçka tjetër që është e pranishme në jetën tonë. Vetëm kryqi i Krishtit mund të shpëtojë”, tha Fortlumturia e Tij.





Lajmet e fundit nga