E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Bllokimi i fondeve IPARD/ PD: Fatkeqësi e madhe, e ardhur nga babëzia e qeverisë

21 Qershor 2024, 22:23, Aktualitet CNA

Bllokimi i fondeve IPARD/ PD: Fatkeqësi e madhe, e ardhur nga babëzia

Foto e publikuar nga PD

Partia Demokratike ka reaguar pasi Zyra e Bashkimit Evropian kundër Mashtrimeve, OLAF, kërkoi kthimin e 33 milionë eurove të fondeve IPARD nga Ministria e Bujqësisë dhe bllokimin e paketës së radhës.

PD deklaron se kthimi mbrapsht i pagesave të kryera për IPARD II dhe pezullimi i IPARD III është një fatkeqësi e madhe, e ardhur jo nga natyra por nga babëzia e qeverisë.

PD e konsideron këtë vendim të OLAF-it një lajm të keq, në kushtet kur fermerët shqiptarë janë më të diskriminuarit në rajon.

Deklarata e plotë:

Shteti shqiptar do të kthejë mbrapsht 33 milionë euro si pasojë e korrupsionit të Minstrisë së Bujqësisë.

OLAF në deklaratën e sotme zyrtare thekson se gjatë aplikimit të fondeve të IPARD II të këstit të parë dhe të dytë janë konstatuar shkelje të rënda si:

• Aplikantëve u kërkohet të paguajnë një pjesë të konsiderueshme të grantit të tyre një kompanie konsulence lokale;

• Kontratat që jepen pa konkurrencë, ose përmes një konkursi të manipuluar (me oferta false që dorëzohen);

• Çmime të fryra dhe shkelje të rregullave kontraktuale.

Pas një hetimi të thelluar OLAF rekomandoi që Komisioni Evropian ti konsiderojë të paligjshme një pjesë të financimit të Thirrjes së Parë dhe të Dytë të IPARD II në vlerën e 33 milionë eurove.

Prandaj shteti shqiptar detyrohet të kthejë mbrapsht këtë shumë të shpenzuar në mënyrë të paligjshme. Në kushtet kur oligarkët që nuk kanë asnjë lidhje me bujqësinë nuk kanë pranuar të kthejnë shumën e marrë padrejtësisht do të jenë taksapaguesit shqiptarë ata që do të paguajnë për ta.

Lajmi akoma më i keq është së OLAF rekomandon që BE të ndalojë alokimin e 112 milionë euro të financimit për IPARD III, derisa shteti shqiptar të ndërmarrë masa korrigjuese për të mbrojtur interesat financiare të BE-së nga çdo aktivitet i paligjshëm.

Në kushtet kur fermerët shqipatë janë më ttë diskriminuarit në rajon përsa i përket subvencioneve ( 4 herë më pak se Kosova), kthimi mbrapsht i pagesave të kryera për IPARD II dhe pezullimi i IPARD III është një fatkeqësi e madhe e ardhur jo nga natyra por nga babëzia e kësaj qeverie të papërgjegjshme./ CNA