web counter
LEXO PA REKLAMA!

SHKARKO APP

App Store
Google Play

E fundit!

x

“Beleri u rrëmbye”/ Meta për mediat greke: Drejtësia e kontrolluar nga Rama

7 Mars 2024, 22:42, Aktualitet CNA

“Beleri u rrëmbye”/ Meta për mediat greke: Drejtësia

Kreu i Partisë së Lirisë, Ilir Meta ka folur për mediat greke në lidhje me çështjen Beleri.

Meta ka deklaruar se Beleri nuk u arrestua por u rrëmbye dhe se gjithçka ishte e inskenuar.

Ai nënvizoi se drejtësia në Shqipëri është e kapur nga Rama.

Kreu i Partisë së Lirisë, Ilir Meta thotë se Fredi Beleri nuk u arrestua por u rrëmbye dhe se gjithçka ishte e inskenuar. Gjatë një interviste për mediat greke, Meta thekson se drejtësia në Shqipëri është e kapur nga Rama.

Pjesë nga intervista

Si e komentoni vendimin e Gjykatës Speciale për Fredi Belerin?

Ilir Meta: Nuk është Gjykata Speciale, është Gjykata e Ramës, është gjykatë politike. Beleri nuk u arrestua, ai u rrëmbye dhe të gjithë e dinë se gjithçka ishte e parafabrikuar.

Kryeministri në një intervistë televizive, disa orë përpara se Policia ta rrëmbente Belerin, kryeministri pra e paralajmëroi Belerin se do merrej personalisht me të.

-A mendoni se Beleri është i pafajshëm?

Ilir Meta: Unë besoj se Beleri është kryetari legjitim i Bashkisë së Himarës, i zgjedhur nga njerëzit, i konfirmuar nga KQZ dhe sipas Kushtetutës sonë, asgjë nuk mund ta ndalojë që të bëjë betimin.

A është gjyqtarja Irena Gjoka e urdhëruar nga Rama?

Ilir Meta: Drejtësia këtu është totalisht e kontrolluar nga Rama. Kjo çështje është vetëm politike, dhe nuk ka aspak të bëjë me respektin ndaj ligjit,  ndaj Kushtetutës dhe ndaj vullnetit të njerëzve.

A mendoni se çështja Beleri po pengon anëtarësimin e Shqipërisë në BE?

Ilir Meta: Unë mendoj se çështja Beleri është një çështje e qartë, në të cilën gjithë bota mund të shohë që në Shqipëri sundimi i ligjit nuk ekziston. Grupet kriminale mbështetën hapur kandidatët e Ramës, duke dhunuar hapur vullnetin e njerëzve./ CNA





Lajmet e fundit nga