E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

“Balla dorëzoi padinë, u kujdes të mos ishte VKM-ja”, Artan Hoxha shpjegon kronologjinë e padisë ndaj Berishës

13 Shtator 2024, 07:47, Aktualitet CNA

“Balla dorëzoi padinë, u kujdes të mos ishte VKM-ja”,

Artan Hoxha shpjegoi në "MCN TV" kronologjinë e akuzës ndaj ish-kryeministrit Berisha dhe dhëndrit të tij, Malltezi, për privatizimin e ish-kompleksit “Partizani”. Hoxha tha se emrat e tyre u futën në dosje tri vite pasi Taulant Balla dorëzoi dosjen në SPAK.

“Dosja '287' nisi me një denoncim të Taulant Ballës, në vitin 2020 dhe e mori kryetari i SPAK-ut, Arben Kraja. Balla ishte kujdesur që të mos merrej me VKM si procedurë, por për presionet që kryeministri kishte ndërhyrë dhe bërë presion tek organet e varësisë. Për gati 4 vjet çështja ka qëndruar aty.

Deri në tetor 2023 çështja nuk ka pasur emra, por në 3-4 tetor regjistrohet emri i Sali Berishës dhe Jamarbër Malltezit. Në 17 tetor dosja i shkon Prokurorisë Speciale. Gjykata vendos që atyre t’u merreshin pasaportat dhe u arrestua Malltezi në një ambient publik më 21 tetor. Më 22 tetor, masat e sigurisë ishin në arrest në burg. Berisha më 30 tetor shkoi në arrest shtëpie se për moshën nuk lejohet.

Dalin akuzat. Fatmir Bektashit i vihet akuza për korrupsion aktiv, Berisha për korrupsion pasiv dhe pastrim parash dhe Xhim Begeja vetë pastrim parash.

Bëhet fjalë për 26 mijë metra katrorë, 22 mijë janë të pronarëve dhe 4 mijë janë shtetërore. Ndërtuesi ka mbajtur 40 për qind. Te 'Home Plan', thotë SPAK-u, Malltezi, me ndihmën e Berishës, ndikoi te 4 mijë metra dhe doli aksioner i madh.

Te hetimi pasuror janë hetuar financimi i një pagese për një koncert në Tiranë dhe është hetuar edhe Kuvendi në stadium.

Berisha do të vazhdojë me këtë masë sigurie dhe do ta ndjekë me këtë masë”, - tha Hoxha.