web counter
LEXO PA REKLAMA!

SHKARKO APP

E fundit!

x

Avokati i Berishës, ironi ndaj SPAK-ut: Janë humbur disa beteja, por jo lufta!

3 Maj 2024, 12:21, Aktualitet CNA
Avokati i Berishës, ironi ndaj SPAK-ut: Janë humbur disa beteja, por
Genc Gjokutaj

Të premten, GJKKO-ja rrëzoi sërish kërkesën e ish-kryeministrit Sali Berisha dhe dhëndrit të tij, Jamarbër Malltezit, duke i lënë sërish në ‘arrest shtëpie’.

Për mediat, avokati Genc Gjokutaj nuk i kurseu ironitë për SPAK-un, por edhe për gazetarët.

“Kishte një shtesë që SPAK kishte kërkuar informacion nëse ato ndërtime kishin mbrojtje nga zjarri. Nuk kemi humbur në shkeljet e gjykatave, kemi konstatuar shkeljet e gjykatave. Nuk është humbur lufta. Atë do ta fitojmë. Janë humbur disa beteja, por jo lufta. Pa hetime, lideri i opozitës vijon në arrest shtëpie”, tha Gjokutaj.

Ndaj Malltezit Gjykata e Posaçme ka vendosur masën e sigurisë "arrest shtëpie" për akuzat për privatizimin e ish-kompleksit "Partizani" në Tiranë. Malltezi akuzohet për "korrupsion aktiv".

Ndërkohë edhe për Berishën, Gjykata e Posaçme ka vendosur masën e sigurisë "arrest shtëpie" për akuzën "Korrupsioni pasiv i funksionarëve të lartë shtetërorë ose të zgjedhurve vendorë". 

Sipas vendimit, Berisha nuk duhet të largohet nga banesa dhe të mos komunikojë me persona të tjerë përveç atyre që bashkëjetojnë në të njëjtën shtëpi me të./CNA 





Lajmet e fundit nga