LEXO PA REKLAMA!

SHKARKO APP

Apeli rrëzon ankimimin e kolegjit turk/ Mbetet në fuqi vendimi i qeverisë

7 Tetor 2022, 11:17, Aktualitet CNA

Apeli rrëzon ankimimin e kolegjit turk/ Mbetet në fuqi vendimi i

Ka përfunduar seanca gjyqësore, në Gjykatën Administrative për sigurimin e padisë për kolegjin e vajzave “Mehmet Akif”.

Gjykata pasi ka marrë në konsideratë pretendimet e palëve, ka rrëzuar kërkesën e avokatëve mbrojtës. Sipas vendimit, heqja e licencës për shkollën mbetet në fuqi.

Pak ditë më parë, në 22 shtator, qeveria njoftoi mbylljen e gjimnazit “Mehmet Akif Ersoy” në Tiranë, vendim i cili u shpall pas mbledhjes së qeverisë.

Sakaq, Këshilli i Misitrave në vendimin për heqjen e licencës ka caktuar se gjimnazi turk duhet të pajisë nxënësit me dokumentacionin e nevojshëm, në mënyrë që ata të vijojnë mësimin në institucione të tjera arsimore, si dhe të kthejë pagesat e kryera nga prindërit deri në muajin shtator.

Kolegji “Mehmet Akif” gjatë kohës që ka ushtruar aktivitetin është dalluar si një ndër institucionet arsimore më cilësore, por ky vendim nuk është i pari për këto shkolla.

Një vit më parë, Ministria e Arsimit vendosi mbylljen e një kopshti që ishte pjesë e kolegjeve “Turgut Ozal”./CNA.al

Lajmet e fundit nga