web counter
LEXO PA REKLAMA!

SHKARKO APP

App Store
Google Play

E fundit!

x

20 vite përdorues droge, rrëfimi i 44-vjeçarit: Zonat ku shpërndahen heroina dhe kokaina në Tiranë

25 Shkurt 2024, 09:15, Aktualitet CNA
20 vite përdorues droge, rrëfimi i 44-vjeçarit: Zonat ku
Foto ilustruese

Një përdorues droge ka rrëfyer gjithë jetën e tij në podcast-in me gazetaren Anila Hoxha. 

E kemi fjalën për Klajdin, një përdorues heroine për 20 vite me radhë, i cili ditën që u gjend pa para u rekrutua si shpërndarës për të siguruar të ardhura për dozën.

44-vjeçari ka rënë 3 herë në prangat e policisë dhe së fundmi është kthyer në një nga bashkëpuntorët e shumtë që policia po i angazhon si blerës të infiltruar për të frenuar fenomenin.

Ai ka rrëfyer si e ka nisur përdorimin e drogës, arrestimet dhe zonat ku aktualisht shpërndahen heroina dhe kokainë në Tiranë. 

INTERVISTA: 

Anila Hoxha: Klajdi, përshëndetje.

Klajdi: Përshëndetje.

Anila Hoxha: Sa vjeç je?

Klajdi: 44 vjeç.

Anila Hoxha: Vazhdon të përdorësh drogë?

Klajdi: Tani kam një periudhë që jam shkëputur, të shohim sa do ta mbaj.

Anila Hoxha: Klajdi, si e nise drogën?

Klajdi: E kam nisur me kokainën, jashtë shtetit faktikisht. Kam qenë 19-20 vjeç. Pastaj kur jam kthyer nga Italia, pas kokainës kam filluar edhe heroinën.

Anila Hoxha: Në Tiranë?

Klajdi: Po, në Tiranë. Po vete gati 20 vjet që jam përdorues i rregullt i heroinës dhe mbas shumë tentativash të mia te Spitali Ushtarak, te Toksikologjiku, jam shtruar disa herë, por që herë kam fituar, herë kam humbur, përderisa jam rikthyer prapë. Tani të shohim sa do të arrij ta mbaj. Herën e parë e kam përdorur heroinën, pa e ditur që çfarë lloj droge ishte. Thjesht ma kanë servirur shokët dhe e kam provuar. Të them të drejtën e kam përdorur për një muaj pa e kuptuar, pa e ditur se çfarë lloj droge pi. Me folie, me varakë. Mbasi e kam filluar.

Anila Hoxha: Dhe sa e blije?

Klajdi: Si fillim, më kanë qerasur shokët, pastaj kur kam ngecur në atë, normalisht që e kam blerë me lekë. Dhe kam bërë burg për atë. Arrin një moment që nuk e përballon dot rritjen e dozës, 4 gramë-5 gramë dita dhe fillon edhe ta trafikosh. Detyrimisht pastaj kalon në nivel tjetër.

Anila Hoxha: Sa burg ke bërë, Klajdi?

Klajdi: Kam bërë 4 vjet burg.

Anila Hoxha: Për shpërndarje?

Klajdi: Po, për shpërndarje. Duke qenë edhe përdorues, por më tepër d.m.th., detyrimisht shpërndarës u bëra, në atë kohë flas, sepse nuk e përballoja dot gjendjen ekonomike duke blerë 4-5 gramë dita, e rrita shumë dozën e konsumimit.

Anila Hoxha: Dhe sa kushton një dozë heroine?

Klajdi: 10 mijë lekë (të vjetër). Një dozë është 1/5, 1/6 e gramit. Shumë gjë e vogël. I vete 60-70 mijë lekë grami (të vjetër). Ta llogarisësh në gramë.

Anila Hoxha: Po kokaina?

Klajdi: Kokaina shkon te 100 mijë lekëshi (të vjetër). Një gram kokainë e ndan në 3 doza, 0.33. Disa e shesin 30 mijë lekë (të vjetër), disa 40 mijë lekë (të vjetër). Vete midis 100-120 mijë lekë grami.

Anila Hoxha: Ke qenë pjesë e rrjeteve të shpërndarjes së drogës apo…?

Klajdi: I kam bërë të gjitha në jetë.

Anila Hoxha: I nisim. Çfarë ke bërë?

Klajdi: Çfarë s'kam bërë?! Detyrimisht që unë, nga do t'i nxirrja, sepse unë nuk pija vetëm 5 doza.

Anila Hoxha: Për heroinë?

Klajdi: Po, për heroinë. Unë pija me hundë. Unë pija 4-5 gramë në ditë. Pastaj mund të pija edhe një gram kokainë.

Anila Hoxha: Cilat kanë qenë momentet e tua më të vështira gjatë përdorimit të heroinës?

Klajdi: Momentet e lënies… Momentet kur kam bërë burg që e kam lënë, që i kam kaluar ato sikletet. 

Anila Hoxha: Në çfarë zonë të Tiranës shpërndahet heroinë?

Klajdi: Në të gjitha zonat.

Anila Hoxha: Që janë tipike?

Klajdi: Pak a shumë zona më e madhe, d.m.th. që kanë qenë gjithmonë problematike është kjo zona nga Shkolla e Bashkuar, Allias, Kinostudio. Ky pellgu këtu ka qenë gjithmonë problematik. Po kokaina?

Klajdi: Kokaina në të gjithë Tiranën. Po thashë gjithë Tiranën, d.m.th. duke filluar nga Astiri, Kombinat, Bllok,  Tiranë të Re, në…. Unë kam parë, kam rastisur që pinë kokainë me bidon dhe ata që mbledhin kanaçe. Dhe ky është një absurd. Kjo është një çmenduri. Të pi një njeri që s'ka bukë, të hajë kokainë, është çmenduri. Dikur e pinin VIP-at, tani e pi çdokush./CNA





Lajmet e fundit nga