web counter
LEXO PA REKLAMA!

SHKARKO APP

E fundit!

x

Si në kohët e arta, mbi 3 mijë tifozë mbushin pallatin e sportit “Tamara Nikolla” në Korçë

5 Maj 2022, 06:25, Sport CNA

Atmosferë elektrizuese në Korçë. Plot 3 mijë tifozë kishin mbushur plot e përplot shkallët e pallatit të sportit ?Tamara Nikolla?, në finalen e tretë mes Skënderbeut dhe Tiranës, që përfundoi me rezultatin 3-0 në favor të vajzave korçare. Skuadra e drejtuar nga trajneri Pandush Kapedani, mposhti mes spektaklit bardheblutë e trajneres Prenga.

Me ekipin e futbollit që ka marrë tatëpjetën, sportdashësit korçar janë afruar me vajzat e volejbollit, teksa këtë sezon Skënderbeu ka ndërtuar një skuadër mjaft të fortë, duke investuar edhe me afrimin e pesë lojtareve të huaja. Kjo fitore i ka afruar më shumë me titullin kampion, vajzat e Skënderbeut, teksa trofeu në Korçë mungon që prej vitit 1986, ku gjithashtu pallati i sportit mbushej plot dhe nuk kishte vende.

Finalja e katërt është planifikuar të zhvillohet më 7 maj në Tiranë. Në rast se në këtë duel fitojnë vajzat bardheblu të Amarilda Prengës, atëherë ajo që do të vendosë fituesin do të jetë finalja e 5-të e 10 majit, që është planifikuar të luhet në Korçë nëse nevojitet.





Lajmet e fundit nga