web counter
LEXO PA REKLAMA!

SHKARKO APP

App Store
Google Play

E fundit!

x

“Koha më dha të drejtë”/ Murrizi tregon pse iu bashkua Kuvendit Kombëtar

30 Prill 2022, 08:33, Politikë CNA

Ish-deputeti i PD, Myslim Murrizi i është bashkuar sot Kuvendit Kombëtar, i thirrur nga Komisioni i Rithemelimit.

Në një prononcim për mediat, Murrizi tha se një ndër arsyet pse sot i është bashkuar Kuvendit të PD, është edhe largimi i Lulzim Bashës.

Sipas Murrizit, ai ishte ?viktimë? e Lulzim Bashës, pasi nuk dogji mandatin e deputetit.

Po ashtu ai shtoi se djegia e mandateve ishte e gabuar dhe se koha i dha të drejtë.

?Unë isha viktimë e Lulit për mosdorëzimin e mandatit. Sot Berisha dhe Basha, e quajnë gabim djegien e mandateve. Koha më dha të drejtë?-tha Murrizi.

Më tej, ai tha se nuk është ?surprizë? rikthimi I tij në PD, ndërsa theksoi se ?kjo është shtëpia ime?.

?Surprizë do ishte po të kisha shkuar te PS, Siç ka ndodhur kur kanë kapërcyer ylberin. Jam kthyer te partia ime, sot grupi që mban vulën më ka larguar. Kam ardhur në shtëpinë time. Bashkim 100% nuk ka. Idealja është utopi. Kjo është shumica dërrmuese që do të shprehet me votë. Shpresoj që numri i atyre që do i bashkohen këtij Kuvendi, të jetë maksimalja e mundshme e demokratëve. S?ka qenë 100% solid qe në 1991,. Pasi nuk është parti e punës. Ka pasur grupe. Deri te grupi armiqësor i fundit, Murrizi, Hajdari. PD nuk ka pasur asnjëherë 59 deputetë, 9 ia fali Basha aleateve. Dëgjova dje deklaratën e Alibeajt që thoshte; amerikanët më këshilluan që të bëjë një opozitë të fortë. Unë që jam i vjetër në këtë parti, në 97 kanë qenë më të ashpra sanksionet ndaj Berishës, se sa ato të administratës Biden. Sot kam ardhur me çantë dhe jo me dosje, vij për të dhënë dhe jo për të marrë. Skam qenë pjesë e pushtetit, por deputet?, tha Murrizi ./ CNA.al





Lajmet e fundit nga