web counter
LEXO PA REKLAMA!

SHKARKO APP

App Store
Google Play

E fundit!

x

Akuzat për tenderin e uniformave të policisë/ Ministria e Brendshme çon në Apel padinë për PD

28 Prill 2022, 09:08, Aktualitet CNA

Ministria e Brendshme ka çuar në Apel padinë ndaj Partisë Demokratike, lidhur me akuzat, të artikuluara në 2019, për tenderin e uniformave të Policisë, që u cilësua si “aferë korruptive ku u favorizua klienti i qeverisë në vlerën 1 000 000 lekë”.

Sipas asaj që raportohet në media, ministria e Brendshme kërkon që PD të tërhiqet nga akuzat dhe të hedhë poshtë deklaratat e bëra.

Kujtojmë këtu se Ministria paditi PD, duke i kërkuar të përgënjeshtrojë në të gjitha mediat deklaratën publike, që sipas tyre është shpifje dhe të paguajnë shpenzimet gjyqësore të këtij gjykimi, por kjo çështje u pushua nga Gjykata e shkallës së parë më 23 mars të këtij viti.

Pushimi i çështjes nga Gjykata e shkallës së parë, nuk është pranuar nga Ministria e Brendshme, e cila e ka çuar padinë në Apel, me të njëjtat kërkesa, që  të përgënjeshtrojë deklaratat e bëra dhe detyrimin e palëve të paditura që të paguajnë shpenzimet gjyqësore të këtij gjykimi./CNA.al





Lajmet e fundit nga