web counter
LEXO PA REKLAMA!

SHKARKO APP

App Store
Google Play

Tirana nuk ka mëshirë ndaj Egnatias, Kastrioti “shtyp” edhe Kukësin

16 Prill 2022, 14:24, Sport CNA

Asnjë dhuratë, Tirana mposht edhe Egnatian në transfertë me rezultatin 3-0 dhe tashmë numëron 19 pikë më shumë se Laçi i vendit të dytë. Ngritja e trofeut është vetëm çështje kohe dhe për momentin në kampin bardheblu mendojnë vetëm të fitojnë.

Kryeqytetasit e nisën ndeshjen në mënyrë fantastike, teksa Xhixha pa u bërë një minutë lojë shtangu portierin Puja dhe kaloi Tiranën në epërsi. Rrogozhinasit duhet të reagonin dhe u munduan, por nuk e kishin të lehtë përballë portierit Visar Bekaj.

Tirana ndërkohë në fillimin të pjesës së dytë shënoi edhe golin tjetër, këtë herë me Hoxhallarin që lëshoi një silurë përmes një goditjeje dënimi. Egnatia ?u fik? dhe më pas pësoi edhe golin e tretë nga Najdovksi, pas një goditjeje këndi.

NDESHJA TJETËR ? Kastrioti ka marrë fitoren e pestë radhazi dhe tani mbijetesa është edhe më pranë, pasi ka çuar në 6 pikë diferencën me Egnatian e vendit të tetë. Krutanët mposhtën 1-0 skuadrën e Kukësit, falë një goli mjaft të bukur që shënoi Bedri Greca.

Verilindorët tani vënë në rrezik edhe vendin e tretë, pasi na katër ndeshjet e fundit kanë marrë vetëm tre pikë. Në duelin e sotëm Kukësi shënoi në minutën e tetë me Mustën, por VAR gjeti një faull të anësorit më para për një goditje me bërryl.

skuadra e Diego Logo u përpoq shumë që të realizonte golin e barazimit, por nuk ia doli dot. Në fund ishte pa fat, pasi Milunovic goditi fort në hyrje të zonës dhe topi u ndal nga shtylla pingule.

Kategoria Superiore ? JAVA 29

Egnatia-Tirana 0-3
Shënues: Xhixha 1?, Hoxhallari 53?, Najdovksi 73?

Kastrioti-Kukësi 1-0
Shënues: Greca 56?





Lajmet e fundit nga