web counter
LEXO PA REKLAMA!

SHKARKO APP

App Store
Google Play

Kualifikimi në finale, Xhaferi: Na kishte marrë malli për këtë Vllazni, do ketë premio

13 Prill 2022, 20:35, Sport CNA

Presidenti i Vllaznisë, Alban Xhaferi është shfaqur i lumtur, pasi ekipi i tij arriti të sigurojë kualifikimin në finalen e Kupës, pasi eliminoi Partizanin. Pas ndeshjes, Xhaferi deklaroi për mediat se e kishte marrë malli për këtë Vllazni, që i ka falur emocione.

Ai zbuloi se do të ketë premio për lojtarët, ndërsa tha më tej se ekipi duhet të fitojë Kupën, si objektivin minimal për këtë sezon.

Na kishte marrë malli për këtë Vllazni e këto emocione se u bë një ndeshje e bukur. Të dyja skuadrat luajtëm mirë. Vllaznia kishte një epërsi të dukshme, por kur shkuan me penallti, ishte moment i veçantë. Tani u kualifikuam, të mendojmë për finalen dhe si të arrijmë objektivat duke fituar Kupën e Shqipërisë.

Nuk kam dalë para mediave për shkak të zhgënjimit nga disa rezultate, nuk jemi në formën e duhur. Të mbajmë ritmin që të ecim para për objektivat. Faktikisht deri tani Vllaznia nuk është në objektivat e duhur, të paktën të finalizojmë objektivat minimale.

Çdo skuadër duhet respektuar maksimalisht. Laçi është skuadër e mirë dhe ka treguar se është rritur duke u ngjitur në vendin e dytë. Do të luftojmë e bëjmë përpjekjet të fitojmë Kupën se është objektivi që duhet të arrijmë.

Skuadra tani duket që ka një entuziazëm dhe duhet ta ruajmë në mënyrë që të luftojmë nga kampionati dhe të kapim vendin e dytë apo të tretë. Por më e rëndësishme është të sigurojmë Europën. Kur ekipi ka rezultate, gjithmonë do të ketë premio.





Lajmet e fundit nga