web counter
LEXO PA REKLAMA!

SHKARKO APP

App Store
Google Play

Bylis fiton thellë dhe rimerr kryesimin, Erzeni e Korabi ngecin në barazim

2 Prill 2022, 15:49, Sport CNA

Bylisi vrapon drejt rikthimit në elitën e futbollit shqiptar, pasi ka lënë pas krahëve humbjen ndaj Apolonisë dhe ka triumfuar me shifrat 4-0 ndaj Shkumbinit, në sfidën e vlefshme për javën e 25-të të Kategorisë së Parë.

Sulmuesi 21-vjeçar Babacar Fall ishte protagonist për mallakastriotët, pasi shënoi tre nga katër golat, ndërsa më pas goleadën e kompletoi Ivziku, në minutën e 59? të takimit. Fundi i ndeshjes prodhoi edhe tension, me dy lojtarë të peqinasve dhe një të ballshiotëve që u ndëshkuan me kartonë të kuq.

Ngec dhe dorëzon kreun Erzeni, që nuk shkoi dot përtej barazimit pa gola në transfertën ndaj Burrelit, megjithatë edhe shijakasit kanë konsoliduar pozitat e tyre në vendin e dytë dhe janë në rrugë të mbarë drejt rikthimit në Superiore.

Korabi mori barazimin e dytë radhazi pa gola, teksa këtë herë u ndal nga Lushnja në Peshkopi, megjithatë mbetet në vendin e tretë me 49 pikë, plot 8 pikë më shumë se Apolonia ndjekëse, me fierakët që u mposhtën 2-1 në transfertën ndaj Turbinës së Cërrikut.





Lajmet e fundit nga