web counter
LEXO PA REKLAMA!

SHKARKO APP

App Store
Google Play

Ukraina dyshon në zotimin e Rusisë për tërheqjen e trupave

30 Mars 2022, 06:50, Kosova & Bota CNA

Ushtria e Ukrainës thanë se trupat ruse po vazhdojnë të ?kryejnë veprime ilegale? kundër popualltës lokale në Zaporizhja, që gjendet në juglindje, dhe në Herson, që gjendet në jug të Ukrainës.

Sipas njoftimit të ushtrisë, Rusia po vazhdon dislokimin e trupave në Ukrainë, po vazhdon të bastisë shtëpitë e banorëve lokalë si dhe po arreston aktivistët pro-ukrainas dhe zyrtarë qeveritarë.

Kjo deklaratë e ushtrisë ukrainase vjen pasi Rusia u zotua se do të ?zvogëlojë në mënyrë drastike? operacionet ushtarake përreth kryeqytetit ukrainas, Kiev.

Zonat e banuara në qytetin Lisiçansk janë granatuar me artileri të rëndë mëngjesin e së mërkurës, tha guvernatori i rajonit Luhansk, Serhiy Gaidai, përmes një postimi në Telegeram.

?Një numër i ndërtesave të larta të banimit janë dëmtuar. Informacioni mbi viktimat është duke u konfirmuar?, tha ai.

?Shumë ndërtesa janë rrëzuar. Ekipet e shpëtimit po tentojnë të shpëtojnë banorët?, shtoi ai.

Lisiçansk gjendet në lindje të Ukrainës.

Përqendrimi i Rusisë në një ofensivë në rajonin e Donjeckut dhe Luhanskut është ?një pranim i heshtur? se ajo po ka vështirësi që të mbajë më shumë se një front të ofensivës, tha Ministria e Mbrojtjes së Mbretërisë së Bashkuar.

Njësitë që kanë pësuar humbje të mëdha janë detyruar që të kthehen në Rusi dhe Bjellorusi për t?u rifurnizuar dhe riorganizuar, gjë që po vendos preson ?mbi logjistikën tashmë të mbingarkuar të Rusisë?, tha Britania.

Ministria e Mbrojtjes tha se forcat ruse me gjasë do të kompensojnë aftësinë e reduktuar të manovrimit tokësor përmes sulmeve masive të artilerisë dhe sulmeve me raketa./REL





Lajmet e fundit nga