web counter
LEXO PA REKLAMA!

SHKARKO APP

App Store
Google Play

Kreu i ri i NATO-s/ Cili do të jetë pasardhësi i Stoltenberg

23 Mars 2022, 17:31, Kosova & Bota CNA

NATO po kërkon një pasardhës të Sekretarit të Përgjithshëm Jens Stoltenberg. Ish-kryeministri norvegjez Stoltenberg ka mbajtur pozicionin më të lartë civil në NATO që nga tetori i vitit 2014. Anëtarët e Aleancës ia zgjatën kontratën deri në shtator 2022.

Shumë diplomatë thonë se është koha që një grua të drejtojë NATO-n. Gazeta franceze Les Echos shkruan se në lojë janë gjashtë kandidatë që mund të pasojnë Stoltenberg. Midis tyre janë ish-shefja e politikës së jashtme të BE-së, Federica Mogherini, zëvendëskryeministrja belge Sophie Ëilmès, ish-kryeministrja britanike Theresa May, ish-presidentja e Estonisë Kersti Kaljulaid, ish-ministrja holandeze e Mbrojtjes Jeanine Hennis-Plasschaert dhe ish-presidentja kroate Kolinda Grabar-Kitaroviç.

Les Echos shkruan se favorite është Kolinda Grabar-Kitaroviç, e cila tashmë ka punuar në NATO si ndihmëse e sekretares së përgjithshme. Ajo mund të mburret me një nga biografitë më mbresëlënëse në mesin e shefave potencialë të ardhshëm të NATO-s.

Ndër të tjera ajo ishte ministre e Kroacisë për Evropën dhe ministre e Punëve të Jashtme. Ajo luajti një rol të fortë në aplikimet e suksesshme të Kroacisë për anëtarësimin në BE dhe NATO. Ajo shërbeu gjithashtu si ambasadore në Shtetet e Bashkuara nga viti 2008 deri në 2011, që do të thotë se ka lidhje të forta me Uashingtonin, i cili do të ketë një rol vendimtar në vendimin për një sekretar të ri të përgjIthshëm të NATO-s.





Lajmet e fundit nga